Рецепт бойынша
Тауарлардың көрінісі фотосуретте көрсетілгеннен өзгеше болуы мүмкін

Альбумин 10% 100 мл раствор для инфузий

21346
Қолжетімділігі
Сатылымда бар
Үлгі
4823091000195
Елі
Украина
Өндіруші
Биофарма Трудовой коллект
  • Сипаттама

Сипаттама

Дәрілік затты медициналық қолдану

жөніндегі нұсқаулық

Альбумин-Биофарма

Саудалық атауы

Альбумин-Биофарма

Халықаралық патенттелмеген атауы

Альбумин

Дәрілік түрі

10%және 20% инфузияға арналған ерітінді

Құрамы

1 құтының ішінде

белсенді зат –донордың қан плазмасының альбуминді фракциясының сулы ерітіндісі, альбуминнің мөлшері 95%-дан кем емес

қосымша зат – 1 г ақуызға 30 мг натрий каприлаты.

Сипаттамасы

Сарыдан ашық-қоңыр түске дейінгі аздап тұтқыр мөлдір сұйықтық, жасылдау рең болуына жол беріледі.

Фармакотерапиялық тобы

Қан алмастырғыштар және перфузиялық ерітінділер. Қан алмастырғыштар және плазма протеиндерінің фракциялары. Альбумин.

АТХ коды B05A A01.

Фармакологиялық қасиеттері

Фармакокинетикасы

Ерітіндіні вена ішіне енгізгеннен кейін альбуминнің толық таралуы10-15 минуттан соң жүреді. 50% альбумин организмнен 24 сағат өткенде шығарылады, 1-4 тәулік ішінде оның мөлшері бір деңгейде қалып, бесінші тәуліктің соңына қарай қарқынмен азаяды. Альбуминнің амин қышқылдарға дейін ыдырап, кейін олардың организмнің өз ақуыздарының синтезі үшін пайдаланылуы 50-60 тәулік құрайды. Сондықтан ерітіндіні парентеральді қоректену үшін пайдалану мақсатқа сай емес.

Әдеттегі жағдайларда альбуминнің жартылай шығарылуының орташа уақыты 19 күнге жуықты құрайды. Синтезі мен ыдырауы арасындағы тепе-теңдікке, әдетте, кері байланыс принципі бойынша реттеу есебінен жетеді.Шығарылуы көбіне жасуша ішінде лизосомалық протеазалар белсенділігі есебінен жүреді.

Енгізілген альбуминнің 10%-дан азы оны құйғаннан кейін алғашқы 2 сағатта тамырішілік компартаменттен шығады. Плазма көлеміне құю әсерінің едәуір жекеше айырмашылықтары бар. Кейбір пациенттерде плазма көлемінің ұлғаюы бірнеше сағат бойына сақталуы мүмкін. Алайда ахуалы ауыр пациенттерде альбуминнің тамыр кеңістігінен шығу жылдамдығы болжауға келмейді.

Фармакодинамикасы

Альбумин – адам қанының ақуыз фракциясының құрамдас бөлігі болып табылатын табиғи ақуыз.Альбуминнің молекулалық массасы – 69000 дальтон.Онкостық қысымальбуминнің 10% ерітіндісінде, қан плазмасы онкостық қысымынан гөрі, жоғары. Альбумин-Биофарма 10% ерітіндісі генезі әртүрлі гипоальбуминемияны, коллоидты-онкостық қысымның қалпына келуін, бұзылған орталық және шеткері гемодинамиканы, су-электролиттік тепе-теңдікті реттейтін зат болып табылады.Гиповолемия (қан жоғалту) жағдайларында препарат артериялық қысымды және айналымдағы қан көлемін жылдам қалпына келтіреді.

Альбумин-Биофарма ерітіндісінің организмде атқаратын жүгі поливалентті, бірақ негізгі функциялары сіңіру-тасымалдау және гемодинамикалық әрекеттер болып табылады. Альбумин организмнің негізгі ақуыз қоры болып саналады. Альбумин ерітінділерін клиникада пайдалану, негізінен, осы әсерлердің біреуіне немесе олардың жиынтығына жетуге бағытталған.Альбумин уытсыздандыру ықпалын да тигізеді. Ол пигменттерді (билирубин), май қышқылдарын,дәрілік заттарды байланыстырады және тасымалдайды. Кейбір металдардың:магний,никель,қорғасын, сынапиондарын, сондай-ақ ацетаттарды, бикарбонаттарды, нитраттарды, цитраттарды байланыстырып, оларды организмнен шығарады.Бұдан басқа,альбуминәрі бактериялық тектегі, әрі зат алмасу үдерісінде түзілген уыттарды байланыстырып, оларды әсерсіздендіреді. Альбумин артериялық қысымды жоғарылатады, қан арнасында тін сұйықтығын тартуға және ұстап тұруға ықпал етеді.

Науқасқа вена ішіне енгізілген әр 50 мл 20% альбумин шамамен 200 мл цитраттық плазмаға баламалы онкостық қысымның көтерілуін қамтамасыз етеді. Талапқа сай гидратацияланған тұлғада вена ішіне қолданылған кезде 50 мл 20% альбуминнің онкостық(коллоидты осмостық) әсері мынадай: ол тамырдан тыс тіндерден қан айналу жүйесіне 15 минут ішінде шамамен 125 мл сұйықтықты тартады, сол арқылы айналымдағы қан көлемін көбейтіп, гематокритті және жаңа алынған қанның тұтқырлығын төмендетеді.

Альбумин ерітіндісін АИТВ және гепатит инфекциялары жоқ адам қанының плазмасынан, плацентасынан оны фракциялау жолымен дайындайды.

Қолданылуы

- генезі әртүрлі гипопротеинемия мен гипоальбуминемияда (альбуминнің плазмадағы мөлшерінің азаюы 30 г/л-ден төмен)

- коллоидты-онкостық қысым деңгейінің сын.бағ. 15 мм төмен азайғанда

- жалпы ақуыз мөлшері 50 г/л-ден төмен кемігенде

- геморрагиялық, гиповолемиялық, жарақаттық, уытты шокта, қанды көп жоғалтқанда(айналымдағы қан көлемінің 25-30%-дан астам азаюы)

- іріңді-септикалық жай-күйлерде

- жедел бауыр жеткіліксіздігі; жедел бауыр некрозында (әрі плазманың онкостық қысымын ұстап тұру мақсатында, әрі қан плазмасында бос билирубиннің шамадан тыс мөлшерін байланыстыру мақсатында)

- бүйрек ауруларында (нефриттер, нефроздық синдром)

- күйік ауруында

- жасанды қан айналдыруды пайдаланумен жасалатын операцияларда (аорта-коронарлы шунттау)

- емдік плазмаферез, гемодиализде

- жаңа туған нәрестелердің гемолиздік аурулары, гипербилирубинемияны төмендету үшін қанды алмастырып құю кезінде

- операция алдындағы гемодилюция және ауто-қан компоненттерін дайындау үшін

- ми ісінуінде

Қолдану тәсілі және дозалары

Стационар жағдайында ғана қолдану керек!

Альбумин-Биофарма ересектер мен балаларға вена ішіне тамшылатып немесе сорғалатып енгізіледі. Қан плазмасындағы альбумин концентрациясына мониторинг жүргізу, гемодинамика көрсеткіштеріне бақылау жасау ұсынылады. Құю жылдамдығын пациенттің жағдайына және көрсетілімдерге қарай таңдаған дұрыс. Плазманы алмастырып құю кезінде құю жылдамдығы жоғары болуы мүмкін, әрі шығарылу жылдамдығына сәйкес келуі тиіс.

Альбумин-Биофарманы минутына 5 мл жылдамдықпен тамшылатып немесе 10% ерітіндіні минутына 50-60 тамшыдан асырмай және минутына 1-2 мл-ге дейін немесе 20% ерітіндіні минутына 40 тамшыдан асырмай в/і енгізеді. Ең жоғары енгізу уақыты – 3 сағат. Үлкен көлемдерді енгізгенде Альбумин-Биофарманы пайдалану алдында оны бөлме температурасына дейін немесе дене температурасына дейін жылытқан жөн.

Қолдануға дайындық

Құтыны ашпас бұрын қақпағының үстін сәйкес антисептикке батырылған тампонмен сүрту қажет. Альбумин-Биофарма 10, 20% ерітіндісін құяр алдында дәрігер препаратты және ол құйылған ыдыс ішінде қатты бөлшектердің және түс өзгерісінің бар-жоғын қарап тексеруге тиіс.Препарат көзбен қарағанда мөлдір болуы және ішінде бөлшектер мен шөгінділер болмауы тиіс. Препарат бөтелкелердің жарылған жерлері болмай, тұмшаланып жабылу және тығындалу, заттаңбасының бүлінбеу шарттары сақталған жағдайда пайдалануға жарамды болып саналады. Көзбен көріп тексерілген нәтижелері және заттаңба деректері (препараттың атауы, дайындаушы мекеме, серия нөмірі) ауру тарихына тіркеледі.

Препараттың ең жоғары бір реттік дозасы альбумин ерітіндісінің концентрациясына, науқастың бастапқы жағдайына және жасына байланысты. Альбумин- Биофарма 10%ерітінділерін 1-2 мл/кг есебінен немесе 200-300 мл дозада енгізеді, осындай дозаны күн сайын немесе күнара, әсер еткені біліне бастағанша құяды, қажет болса, 10% ерітінді дозасын500 мл-ге дейін жоғарылатуға болады.Альбумин - Биофарма 20% ерітіндісінің ең жоғары бір реттік дозасы 100 мл-мен шектелуі мүмкін.
Альбумин-Биофарма ерітінділерін генезі әртүрлі шоктарда артериялық қысымды жылдам көтеру үшін сорғалатып енгізуге болады.
Егде жаста концентрацияланған (20%)ерітінділерді қолданбаған және Альбумин - Биофарма 10% ерітіндісін жылдам енгізбеген дұрыс, өйткені бұл жүрек-қан тамырлары жүйесіне артық жүк түсуіне әкелуі мүмкін.

Балаларға дозалау Альбумин-Биофарма ерітінділерінің концентрациялары негізінде дене салмағының әр килограмына миллилитрмен есептелуге тиіс (баланың дене салмағының әр кг-на 1-2 мл-ден аспайды).

Гиповолемия
Гиповолемиялық шокты емдеу үшін қолданылатын инфузия көлемі мен жылдамдығы нақты пациенттің жауабына сәйкес болуға тиіс. Қан айналу жүйесінің волемиялық жүктемеленуіне жол бермеу мақсатында пациенттің гемодинамикалық көрсеткіштерін бақылау, әдеттегі сақтану шараларын қадағалау қажет.

Ересектер: бастапқы орташа доза - 25 г, 250 г-ден асырмай 48 сағат ішінде енгізеді. Белсенді қан кету жоқ болған кезде жалпы доза қалып шегінде байқалатын альбумин деңгейінен аспауға тиіс (дене салмағының әр кг-на 2 г жуық).

Балалар: шұғыл жағдайларда бастапқы доза - 25 г, қалған жағдайлардағы дозаересектерге арналған дозадан2-4 есе аз және альбумин ерітінділерінің концентрациясын есепке алумен дозалау дене салмағының әр килограмына миллилитрден есептелуге тиіс (баланың дене салмағының әр кг-на 3 мл-ден аспайды).

Егер жасушадан тыс дегидратация орын алса, онда альбуминнен кейін тұзды ерітіндіні құю керек.

Егер Альбумин-Биофарма 10% айналымдағы қан көлемі аздап тапшы болғанда (10 -15%) қолайлы болса, соңынан тұзды ерітіндіқұйылатын 20%Альбумин - Биофарманың АҚК айқын төмендегенде (20%-дан астам),айналымдағы ақуыз тапшылығында, торпидті шокта және трансфузиялық емді кеш бастауға тура келген кезде едәуір емдік артықшылықтары бар.
Бауыр циррозына шалдыққан пациенттен асциттік сұйықтықты алып тастау жүрек-қан тамырлары жүйесі қызметіндегі өзгерулермен және тіптігиповолемиялық шоктың дамуымен қатар жүруі мүмкін. Осындай жағдайларда альбуминді құюайналымдағы қан көлемін ұстап тұру үшін қажет.
Күйіктерді емдеу

Күйік зақымынан кейін (әдетте 24 сағаттан көп уақыт өткенде)құйылатын альбумин мөлшері меносмостық коллоидты қысымның артуы арқылы алынатын плазманың арасында дәл сәйкестілік бар. Плазма альбуминінің2,5±0,5 г/л концентрациясын 20 мм сынап бағанасына тең плазманың онкостық қысымымен (ақуыздың 5,2 г/л-ге тең жалпы концентрациясына баламалы) ұстап тұру қабілеті мақсатталуға тиіс. Емдеу ұзақтығы күйіп қалған аймақтардан және несеппен ақуыздың шығарылуына қарай белгіленеді. Бұдан басқа, амин қышқылдарымен зонд арқылы немесе парентеральді қоректендіруді бастау қажет, өйткені альбуминді ұзақ уақыт қолдану қорек көзі болып есептелмейді. Ауқымды күйіктерді трансфузиялық емдеудің оңтайлы тәртібі (коллоидтарды және тұзды ерітінділерді тағайындау) белгіленген жоқ. Әдетте, термиялық зақымданудан кейін алғашқы24 сағатта интерстициальді (жасушадан тыс) сұйықтықтың азайған көлемін қалпына келтіру үшін тұзды ерітінділердің үлкен көлемдері құйылады. 24 сағат өткен соң Альбумин-Биофарма препаратын плазманыңколлоидты-онкостық қысымын ұстап тұру мақсатында қолдануға болады.

Тіндердің ісінуі бар немесе онсыз гипопротеинемия

Егер гипопротеинемияға әкеп соқтыратын негізгі патология ретке келтірілсе, альбуминнің қолданылуын таза симптоматикалық немесе демеуші ем орнына есептеу қажет. Альбумин-Биофарма препаратының ересектерге арналған әдеттегі тәуліктік дозасы 50-ден 75 г-ге дейін (0,5-1 г/кг), ал балалар үшін 25 г құрайды. Альбумин жоғалуы жалғасатын айқын гипопротеинемиясы бар пациенттерге көп мөлшерлер қажет болуы мүмкін.Гипопротеинемияға шалдыққан пациенттерде әдетте қан көлемі шамамен қалыпты болатындықтан, Альбумин-Биофарма инфузиясының жылдамдығы минутына 2 мл-ден аспауға тиіс, өйткені өте жылдам инфузия қан айналымының бұзылуын және өкпенің ісінуін туындатуы мүмкін.
Ауқымды хирургиялық операция барысында пациенттер қан арнасында айналатын альбуминнің жартысынан астамынан жоғалтуы мүмкін, ол ісіну синдромын дамытатын немесе онсыз онкостық қысымның төмендеуімен қатар жүреді. Осыған ұқсас жағдайқарқынды емдеу бөліміндегі науқастарда болатын сепсис кезінде де байқалады. Мұндай жағдайларда Альбумин-Биофарма препаратын қолдану көрсетілген.

Аорта-коронарлы шунттау

Қазіргі замандық жасанды қан айналдыру аппараттары (ЖҚА) салыстырмалы түрде шағын көлемдерді толтыру үшінқажет.Пациенттерде операция алдында альбуминді және кристаллоидтарды пайдаланумен қол жеткізілетін гемодилюцияның қауіпсіз әрі жақсы көтерімді екені көрінді. Плазма гематокриті мен альбуминінің деңгейін қауіпсіз төмендете беруге болатыншек белгіленбеген, алайда альбумин мен кристаллоидтарды 20% гематокриттіңжәне плазма альбуминінің 2,5 г/л концентрациясының деңгейіне жеткенше ЖҚА толтыру үшін қолдану жалпыға ортақ тәжірибе болып табылады.

Жедел бауыр жеткіліксіздігі

Команың дамуымен (бауыр энцефалопатиясы) немесе онсыз бауыр функциясының жедел бұзылуы бар сирек жағдайларда Альбумин-Биофарма препаратын қолдану онкостық қысымды ұстап тұру және плазма билирубинін байланыстыру мақсатын көздейді.

Жаңа туған нәрестелердің гемолиздік ауруы

Альбумин-Биофарманы жаңа туған нәрестелердің гемолиздік ауруын емдегенде сарғаюдан және гемолизден болатын асқынулар қаупін азайту үшін бос билирубинді байланыстыру мақсатында плазма алмастыруды пайдаланған кезде тағайындауы мүмкін. Дене салмағының әр килограмына 1 г дозаалмастыратын трансфузия емшарасын бастаудан шамамен бір сағат бұрынтағайындалады. Балаларда бастапқы гиперволемияболған кезде сақ болу қажет.

Ақуызға бай сұйықтықтарды шығару

Бауыр циррозы, жүрек жеткіліксіздігі, перитонит, сондай-ақ экссудативті плеврит салдарынан болатын асцитті көбіне алып тастау қажет болады. Осы орайда жоғалатын ақуыздың, соның ішінде альбуминнің шамасы үшінші кеңістікте көлемді толықтыруға немесе онкостық қысымды ұстауға бағытталған емді талап етуі мүмкін, ол Альбумин-Биофарма инфузиясының көмегімен жүзеге асырылады.

Эритроциттерді ресуспензиялау

Ерітілген, жуылып-шайылған эритроциттердің үлкен көлемдерін құю шамадан тыс гипопротеинемияның дамуымен қатар жүреді. Мұны болдырмау мақсатында Альбумин-Биофарманы ерітілген, жуылып-шайылған эритроциттерді трансфузиялау алдында тікелей пайдалануға болады.

Жедел нефроз

Циклофосфанмен немесе стероидтармен емдеу нәтижесі болмағанда немесе стероидтармен емдеу кезінде ісіну синдромы нашарлағанда 7-10 күн бойы, диурездің және қан плазмасындағы калий концентрациясының бақылануымен, күн сайын 100 мл 20% Альбумин-Биофарма мен диуретиктердің қосылғантағайындалымын қолдануға болады. Осыдан кейін стероидтарды қайталап тағайындау тиімді болуы мүмкін.
Гемодиализ
Альбумин созылмалы бүйрек жеткіліксіздігінде стандартты гемодиализ жүргізу хаттамасының міндетті бөлігі болып табылмайды, бірақ ол осы пациенттерде шок немесе гипотония дамыған кезде қолданылуы мүмкін.Әдетте мұндай жағдайларда 100 мл 20% Альбумин-Биофарма құйылады. Осындай науқастарда жиі байқалатын волемиялық жүктемеден аулақ болу қажет (сондықтан да, олар тұзды ерітінділердің үлкен көлемдерімен жасалған инфузияны көтере алмайды).

Ми ісінуі
Ми ісінуін емдеу үшін Альбумин-Биофарма препаратының гиперонкостық 20% ерітіндісі пайдаланылады.Ең жоғары енгізу уақыты – 3 сағат.

Жағымсыз әсерлері

Бірен-саран (>1/10000- <1/1000 дейін)

  • анафилаксиялық реакция
  • дене температурасының қысқа мерзімді көтерілуі, қалтырау
  • белдің ауыруы
  • есекжем
  • ентігу
  • жүрек айнуы
  • бас ауыру, сананың шатасуы
  • альбуминді жеке көтере алмаушылығы (соның ішінде анамнездегі)
  • гиперволемия
  • өкпенің ісінуі
  • бақыланбайтын артериялық гипертензия
  • айқын жүрек жеткіліксіздігі (II В-III дәрежедегі)
  • миға қан құйылу
  • ішкі қан кетулер

-гипотензия

Сирек (<1/10000)

-ангионевротикалық ісіну, анафилаксиялық шок

- қатты тершеңдік, тері гиперемиясы

- тахикардия,брадикардия, гипертензия

Қолдануға болмайтын жағдайлар

  • тромбоз
  • ауыр анемия

-ренальді және постренальді анурия

- өңеш веналарының варикозды кеңеюі

Дәрілермен өзара әрекеттесуі

Альбумин-Биофарма ерітіндісін салицилаттармен, сульфаниламидтермен, барбитураттармен, пенициллиндермен, фенилбутазонмен бір мезгілде қолдану альбуминнің емдік әсерінің әлсіреуіне әкеледі.

Айрықша нұсқаулар

Альбумин-Биофарманы ақуыз гидролизаттарымен, амин қышқылы ерітінділерімен және спирті бар препараттармен араластыруға болмайды. Альбумин ерітінділерін инъекцияға арналған сумен сұйылтуға болмайды, өйткені ол реципиенттерде гемолизді туындатуы мүмкін.

Альбумин-Биофарма ерітінділерін, егер олар мұздатып қатырылған немесе лайланған болса, қолдануға болмайды. Толық пайдаланылмаған құтылар қайталап қолдануға жатпайды. Алдын ала ашылған немесе бүлінген, жарылуы бар құтыларды, бактериялық ластануы мүмкін екендіктен, қолдануға болмайды.

Сусызданған кезде сұйықтықтың жеткілікті болуын алдын ала қамтамасыз еткеннен кейін ғана енгізуге (ішке, парентеральді) болады.

Реакциялар немесе асқынулар пайда болған жағдайда Альбумин-Биофармаерітіндісін енгізуді дереу тоқтатып, қажет болғанда, инені венадан суырмай тұрып, антигистаминдік, кардиотонустық дәрілерді,глюкокортикоидтарды, вазопрессорлы препараттарды енгізген жөн.

Салыстырмалы үлкен көлемдерді алмастыру қажет болса, қанның ұюынжәне гематокритті бақылау талап етіледі. Қанның басқа компоненттерін (ұю факторлары, электролиттер, тромбоциттер жәнеэритроциттер) сәйкесінше алмастыруды қамтамасыз ету керек.

Адам қанынан және плазмасынан жасалған препараттарды қолданғанкезде инфекциялық ауруларды жұқтыру ықтималдығын түгел жоққа шығаруға болмайды.Инфекциялық агенттер трансмиссиясының қаупін азайту үшін донорлар және алынған препараттар тиянақты тексеріледі. Өндірісте тек донор плазмасының антиген-теріс үлгілері ғана пайдаланылады.

Альбуминді қолдану негізделмеген жай-күйлер

Созылмалы нефрозда альбуминнің құйылатын ерітіндісі, бүйрек тінінің негізгі зақымына әсер етіп үлгерместен, бүйрекпен жылдам шығарылады. Анда-санда альбумин жедел нефрозда қолданылады. Бауырдың созылмалы циррозы, ішекте сіңуінің бұзылуы, созылмалы панкреатиті немесе дене салмағының ашығудан болатын тапшылығы бар науқастарда альбумин инфузиясын ақуыздық қорек көзі ретінде қарастыру жөнсіз.

Педиатрияда қолданылуы

Балаларда плазманың физиологиялық көлемі жас ерекшелігіне байланысты екенін ескеру қажет.

Жүктілік жәнелактация кезеңі

Альбумин-Биофарманы жүктілік және емшек емізу кезеңінде ана үшін зор пайдасы шаранаға немесе нәрестеге төнетін болжамды қауіптен басым болған жағдайда ғана қолдануға болады.

Дәрілік заттың көлік құралдарын немесе қауіпті механизмдерді басқару қабілетіне ықпал ету ерекшеліктері

Препарат стационарлық жағдайларда ғана қолданылатындықтан ондай деректер жоқ.

Артық дозалануы

Симптомдары: тым жоғары дозада және жылдам құйған кезде бас ауыру, ентігу, жарма венасының толып кетуі, артериялық қысымның көтерілуі, орталық веналық қысымның жоғарылауы сияқты гиперволемияның немесе жүрек-қан тамырлары жүйесі жүктемесінің белгілері пайда болады, өкпенің ісінуі мүмкін.

Емі: құюды дереу тоқтатып, пациент гемодинамикасының сипатын мұқият бақылаған дұрыс. Симптоматикалық ем жүргізіледі.

Шығарылу түрі және қаптамасы

20 мл, 50 мл, және 100 мл 10% ерітіндіден резеңке тығындармен тығындалған және, алюминий қалпақшалармен қаусырылған, ІІ гидролитикалық классты шыныдан жасалған құтыларға құяды.

100 мл 20 % ерітіндіден резеңке тығындармен тығындалған және алюминий қалпақшалармен қаусырылған ІІ гидролитикалық классты шыныдан жасалған құтыларға құяды.

Шыныға жабысқақ негізді заттаңбаны желімдейді.

1 құтыдан медициналық қолдану жөніндегі мемлекеттік және орыс тілдеріндегі нұсқаулықпен бірге картоннан жасалған қорапшаларға салады.

Қорапшаларды топтық ыдысқа салады және топтық заттаңба желімдейді.

Топтық қаптама және тасымалдау ыдысы 17768-90 МемСТ сәйкес.

Сақтау шарттары

Құрғақ, жарықтан қорғалған жерде, 25ºС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

«БИОФАРМА ПЛАЗМА» ЖШҚ, Украина, 03680, Киев қ., Н.Амосов к-сі, 9

тел.: +38(044) 275-16-04, 275-91-50, 521-15-39

Тіркеу куәлігінің иесі

«БИОФАРМА ПЛАЗМА» ЖШҚ, Украина

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымныңатауы және мекенжайы:

ҚР-дағы ««БИОФАРМА ПЛАЗМА» ЖШҚ өкілдігі

05000, Қазақстан Республикасы, Алматы қ., Назарбаев даңғылы, 124, 10 кеңсе; тел. +77272297044