Біздің компаниямыз жайлы жалпы ақпарат.
Дәрілік препаратты медициналық қолдану
жөніндегі нұсқаулық (Қосымша парақ)
Саудалық атауы
Цеф III®
Халықаралық патенттелмеген атауы
Цефтриаксон
Дәрілік түрі, дозасыИнъекция үшін ерітінді дайындауға арналған ұнтақ, 250 мг, 500 мг және 1.0 г
Фармакотерапиялық тобы
Жүйелі қолдануға арналған инфекцияға қарсы препараттар. Жүйелі қолдануға арналған бактерияға қарсы препараттар. Бактерияға қарсы басқа да бета-лактамды препараттар. Үшінші буын цефалоспориндері. Цефтриаксон.
АТХ коды J01DD04
Қолданылуы
Болжамды қоздырғыштар қатары цефтриаксонның әсер ету ауқымына кірмейтін жағдайда, Цеф III® бактерияға қарсыбасқа препараттармен біріктіріп тағайындау керек.
Бактерияға қарсы дәрілерді ұтымды пайдалану жөніндегі ресми нұсқаулықтарды ескеру керек.
Қолдануды бастағанға дейін қажетті мәліметтер тізбесі
Қолдануға болмайтын жағдайлар
Цефтриаксонға, цефалоспориндерге немесе қосымша заттарының кез келгеніне аса жоғары сезімталдық.
Бактерияға қарсы бета-лактамды препараттарға (пенициллиндер, монобактамдар және карбапенемдер) аса жоғары сезімталдықтың анамнездегі ауыр реакциялары (мысалы, анафилаксиялық реакциялар).
Цеф III®препаратын қолдануға болмайды:
41 аптаға дейінгі мерзімдегі (гестациялық және хронологиялық жасын қосқанда) шала туған балаларға *
Мерзімі жетіп туылған нәрестелерге (≤ 28 күндік):
* in vitro зерттеулер, цефтриаксонның ондай пациенттерде билирубинді сарысу альбуминімен байланыстан ығыстырып, билирубиндік энцефалопатияның даму қаупін арттыруы мүмкін екендігін көрсетті.
Лидокаинді пайдаланып, Цеф III® бұлшықетішілік инъекциясын жүргізер алдында лидокаинге қарсы көрсетілімдердің бар-жоқтығын анықтау қажет. Лидокаинді қолдануға болмайтын жағдайлар лидокаинді медициналық қолдану жөніндегі нұсқаулықта келтірілген.
Құрамында лидокаин бар цефтриаксон ерітінділерін вена ішіне енгізуге болмайды.
Қолдану кезінде қажетті сақтық шаралары
Аса жоғары сезімталдық реакциялары
Басқа бета-лактамды антибиотиктерді қолданғандағы сияқты, аса жоғары сезімталдықтың ауыр, соның ішінде, өлімге соқтырған реакциялары тіркелген. Аса жоғары сезімталдықтың ауыр реакциясы дамыған жағдайда, Цеф III® препаратымен емдеуді дереу тоқтату және сәйкесінше шұғыл емдеу шараларын жүргізу қажет. Цеф III® препаратымен емдеуді бастар алдында пациентте цефтриаксонға, цефалоспориндерге аса жоғары сезімталдық реакцияларының немесе басқа бета-лактамды антибиотиктерге (пенициллиндерге, монобактамдар мен карбапенемдерге) аса жоғары сезімталдықтың ауыр реакцияларыныңбайқалған-байқалмағандығын анықтап алу қажет. Цеф III® препаратын анамнезінде басқа бета-лактамдық антибиотиктерге (пенициллиндерге, монобактамдар мен карбапенемерге) аса жоғары сезімталдықтың ауыр емес реакциялары бар пациенттерде қолданғанда сақтық таныту қажет.
Терідегі аса жоғары сезімталдық реакциялары (Стивенс-Джонсон синдромы немесе Лайелл синдромы /уытты эпидермалық некролиз) дамыған жағдайлар туралы хабарланған. Осыған ұқсас реакциялардың даму жиілігі белгісіз.
Құрамында кальций бар препараттармен өзара әрекеттесуі
Шала туылған және мерзімі толықтай жетіп туылған, 1 айға толмаған нәрестелерде өкпе мен бүйректегі кальций-цефтриаксон тұнбасы өлімге соқтырған реакцияларының жағдайлары сипатталды.Олардың кемінде біреуі цефтриаксон мен кальцийді түрлі уақыттарда және екі бөлек тамшылатқыштар арқылы қабылдаған. Қолда бар ғылыми деректер бойынша, жаңа туған нәрестелерден өзге, цефтриаксон мен құрамында кальций бар ерітінділерді немесе құрамында калций бар кез келген басқа препараттарды қабылдаған науқастарда тамырішілік преципитаттардың расталғандығы туралы хабарламалар жоқ. Іn vitro зерттеулер, басқа жас топтарымен салыстырғанда, жаңа туған нәрестелерде цефтриаксон-кальций тұнбалары қаупінің жоғарылайтынын көрсетті. Жаңа туған нәрестелерде басқа жас топтарындағы пациенттермен салыстырғанда, цефтриаксонның кальций тұздары тұнбасының түзілу қаупі жоғарылағаны байқалады.
Кез келген жастағы пациенттерде Цеф III® препаратын құрамында кальций бар кез келген венаішілік ерітінділермен араластырмау, тіпті түрлі инфузиялық жүйелердің көмегімен де немесе түрлі инфузия орындарына да немесе бір мезгілде енгізбеу керек. Алайда, жаңа туған, 28 күндік мерзімнен асқан нәрестелерде, егер инфузияға арналған жүйелер екі түрлі аумаққа пайдаланылатын болса, немесе егер тұнба түзілу қаупін болдырмау үшін, инфузияға арналған жүйелер алмастырылатын немесе инфузиялар арасында физиологиялық тұзды ерітіндімен мұқият жуылып-шайылатын болса, Цеф III® препараты мен құрамында кальций бар ерітінділерді бірінен соң бірін енгізуге болады.
Егер құрамында кальций бар ерітіндімен толықтай парентеральді қоректендірудің (ТPN) үздіксіз инфузиясы жүргізіліп жүрген пациент үшін Цеф III® препаратын пайдалану қажет деп есептелсе, екі түрлі инфузиялық жүйенің көмегімен және түрлі орындарға бір мезгілде енгізуге болады. Баламасы ретінде, цефтриаксон құйылып жатқан кезде ТPN ерітіндісінің инфузиясын уақытша тоқтата тұруға, ал ерітінділердің арасында инфузияға арналған жүйелерді жуып-шаюға болады.
Басқа дәрілік препараттармен өзара әрекеттесуі
Рингер немесе Гартман ерітіндісі сияқты, құрамында кальций бар ерітінділерді, Цеф III® препаратын сұйылту немесе ары қарай вена ішіне енгізу үшін пайдалануға жол берілмейді, өйткені тұнба түзілуі мүмкін. Цефтриаксонның кальций тұздары тұнбасының түзілуі венаға енгізудің бір жолы пайдаланылғанда Цеф III® препараты мен құрамында кальций бар ерітінділерді араластырған кезде орын алуы мүмкін.
Цеф III® препаратын құрамында кальций бар, вена ішіне енгізуге арналған ерітінділермен соның ішінде, құрамында кальций бар ерітінділердің ұзаққа созылатын инфузияларымен бір мезгілде, мысалы, Y-коннекторды пайдаланып парентеральді қоректендіру кезінде пайдалануға болмайды. Жаңа туған нәрестелерден басқа, пациенттердің барлық топтары үшін, құюлар арасында инфузияға арналған жүйелер үйлесімді сұйықтықпен мұқият жуылып-шайылатын жағдайларда, препарат пен құрамында кальций бар ерітінділерді бірінен соң бірін енгізуге болады. Ересектерден алынған немесе кіндік қанынан алынған неонатальді плазма пайдаланылған іn vitro зерттеулер, жаңа туған нәрестелердің цефтриаксонның кальций тұздары тұнбасының түзілу қаупінің жоғарылауына ұшырайтындығын көрсетті.
Пероральді антикоагулянттар мен препаратты бір мезгілде пайдаланғанда, K дәрумені тапшылығының қаупі жоғарылайды және қан кетуі мүмкін. ХҚҚ (халықаралық қалыптастырылған қатынасты) мұқият бақылау және препаратпен емдеу кезінде және емдеуден кейін K дәруменінің дозасын талапқа сай түзетуді пайдалану керек.
Аминогликозидтерді цефалоспориндермен қолданғанда, олардың нефроуыттылығының жоғарылауы ықтималдығы туралы қарама-қайшы деректер бар, сондықтан, бүйрек функциясына және қандағы аминогликозидтер концентрациясына мониторинг жүргізу қажет.
In vitro зерттеулер кезінде препаратты хлорамфениколмен бір мезгілде қолданғанда, антагонистік әсерлері білінді. Бұл антагонизмнің клиникалық маңызы белгісіз.
Цефтриаксон мен құрамында кальций бар пероральді препараттардың өзара әрекеттесуі немесе вена ішіне енгізуге арналған цефтриаксон мен құрамында кальций бар препараттардың (вена ішіне немесе пероральді қолдануға арналған) өзара әрекеттесуі туралы хабарламалар түспеген.
Цеф III® препаратымен емдеу кезінде Кумбс сынамасының жалған оң нәтижелері білінуі мүмкін.
Бактерияға қарсы басқа препараттармен емдеу кезіндегі сияқты, Цеф III® препаратымен емдеу кезінде де, галактоземияға жүргізілетін сынамалардың жалған оң нәтижелері болуы мүмкін.
Препараттың жоғары дозалары мен «ілмектік» диуретиктерді (мысалы, фуросемидті) бір мезгілде қолданғанда, бүйрек функциясының бұзылулары байқалмаған.
Пробенецид Цеф III® препаратының шығарылуына әсер етпейді.
Арнайы ескертулер
Балалар
Цеф III® препаратының жаңа туған нәрестелердегі, емшектегі балалар мен кішкентай балалардағы қауіпсіздігі мен тиімділігі «Қолдану жөніндегі ұсынымдар» бөлімінде сипатталған дозалары үшін анықталды. Зерттеулер цефтриаксонның басқа цефалоспориндер сияқты, билирубинді сарысу альбуминімен байланыстан ығыстыруы мүмкіндігін көрсетті.
Цеф III® препаратын жаңа туған, әсіресе, билирубиндік энцефалопатия қаупі бар шала туған нәрестелерде қолдануға болмайды.
Аутоиммундық гемолиздік анемия
Басқа цефалоспориндерді қолданғандағы сияқты, Цеф III® препаратымен емдеу кезінде аутоиммундық гемолиздік анемия дамуы мүмкін. Ересектер мен балаларда ауыр, соның ішінде өлімге соқтырған гемолиздік анемия жағдайлары тіркелген. Цеф III® препаратымен емделіп жүрген пациентте анемия дамыған жағдайда, цефалоспоринмен астақан анемия диагнозын жоққа шығаруға болмайды және себебі анықталғанға дейін емдеуді тоқтата тұру қажет.
Ұзақ уақыт емдеу
Ұзақ уақыт емдеу кезінде қан көрсеткіштерін жүйелі түрде бақылау керек.
Колиттер/Сезімтал емес микроорганизмдердің шамадан тыс көбеюі
Цефтриаксонды қоса, антибиотиктердің барлығын дерлік қолданған жағдайда, антибиотикпен астасқан колит пен жалғанжарғақшалы колит жағдайда тіркелген, және ауырлығы жағынан жеңілден өмірге қауіп төндіретінге дейін ауытқып отыруы мүмкін. Сондықтан, бұл диагнозды Цеф III® енгізу кезінде немесе енгізгеннен кейін диарея жүріп жатқан науқастарда қарастыру маңызды. Цеф III®емін тоқтатуды қарастыру және Clostridium difficile арнайы емін бастау керек.
Перистальтиканы бәсеңдететін дәрілік препараттарды бермеген дұрыс. Бактерияға қарсы басқа дәрілермен жағдайдағы сияқты, сезімтал емес микроорганизмдермен суперинфекция туындауы мүмкін.
Бүйрек пен бауырдың ауыр жеткіліксіздігі
Бүйрек пен бауырдың ауыр жеткіліксіздігі кезінде қауіпсіздігі мен тиімділігін клиникалық бақылау ұсынылады.
Серологиялық тестілерге ықпалы
Кумбс тестілеріне ықпалы туындауы мүмкін, өйткені Цеф III®сынақтардың жалған оң нәтижелеріне алып келуі мүмкін. Цеф III® галактоземияға жүргізілетін сынақтардың да жалған оң нәтижелеріне алып келуі мүмкін. Несептегі глюкозаны анықтаудың ферменттік емес әдістері жалған оң нәтижелер беруі мүмкін. Цеф III® емі кезінде несептегі глюкоза деңгейін анықтау ферменттік әдіспен жүргізілуі тиіс.
Натрий
Цеф III®препаратының әр грамында 3,6 ммольнатрий бар. Мұны натрий мөлшері бақыланатын диета ұстап жүрген пациенттер ескеруі керек.
Цефтриаксонның әсер ету ауқымы
Цефтриаксонның әсер ету ауқымы шектеулі және патогендік агенті идентификацияланған жағдайлардан басқасында, Цеф III® препаратымен монотерапия бактериялардың кейбір типтеріне қатысты тиімсіз болуы мүмкін. Цефтриаксонға резистентті штамдар қатысқан полимикробтық инфекция кезінде Цеф III® препаратына қосымша антибиотикті енгізуді қарастыру керек.
Лидокаин
Құрамында лидокаин бар Цеф III® ерітінділерін тек бұлшықет ішіне енгізу керек. Лидокаинді қолдануға болмайтын жағдайлар лидокаинді медициналық қолдану жөніндегі нұсқаулықта келтірілген.
Лидокаинде сұйылтылған Цеф III® препаратын 15 жасқа толмаған балаларға қолдануға болмайды
Еріткіш ретінде лидокаинді қолданғанда, 15 жастан асқан адамдарда лидокаинге теріішілік аллергия сынамасын жүргізу ұсынылады.
Лидокаин ерітіндісін вена ішіне енгізуге болмайды.
Өт тастарының түзілуі
Цефтриаксонды, әдетте, ұсынылған стандартты (тәулігіне 1 г және одан көп) дозаларынан артық дозаларда қолданғаннан кейін, өт қалтасын ультрадыбыстық зерттеу кезінде цефтриаксонның кальций тұзының преципитаттары анықталды, олардың бала жастағы пациенттерде түзілуі ықтималырақ. Преципитаттар сирек жағдайда қандай-да бір симптоматикасын білдіреді және Цеф III® препаратымен емдеу аяқталғаннан немесе тоқтатылғаннан кейін жоғалып кетеді. Егер аталған құбылыстар клиникалық симптоматикамен қатар жүрсе, хирургиялық емес дағдылы ем ұсынылады, ал препаратты тоқтату туралы шешім емдеуші дәрігердің қарастыруына қалдырылады және пайдасы мен қаупін жекелей бағалауға негізделуі тиіс.
Билиарлық стаз
Цеф III® қабылдаған пациенттерде шығу тегі билиарлық-обструкциялық болуы мүкін панкреатит жағдайлары тіркелген. Оларда билиарлық стаз бен билиарлық сладждың қауіп факторлары, мысалы, осының алдындағы ауқымды ем, ауыр сипатты ауру және парентеральді қоректендіру болған. Цеф III® билиарлық шөгумен байланысты триггерлер немесе кофакторларды жоққа шығаруға болмайды.
Бүйректе тастардың түзілуі
Бүйрек тастары түзілген жағдайлар туралы хабарланған, олар цефтриаксонды қабылдауды тоқтатқаннан кейін қайтымды болған. Симптоматикалық жағдайларда сонография жүргізген дұрыс. Анамнезінде бүйрек тастарының түзілуі немесе гиперкальциуриясы бар пациенттерде пайдаланылуын дәрігер пайдасы-қаупін арнайы бағалаудың негізінде қарастыруы тиіс.
Яриш-Герксгеймер реакциясы (JHR)
Цефтриаксонмен емдеуден кейін көп ұзамай, спирохеталардан туындаған инфекциясы бар кейбір пациенттерде Яриш-Герксгеймер реакциясы (JHR) туындауы мүмкін. Реакция әдетте өздігінен басылады, немесе симптоматикалық ем арқылы басуға болады. Реакция туындаған жағдайда, антибиотиктермен емдеуді тоқтатпау керек.
Жүктілік немесе лактация кезінде
Цефтриаксонның жүкті әйелдерде қолданылуы жөнінде деректер жоқ немесе шектеулі. Цефтриаксон плацентарлық бөгет арқылы өтеді. Жануарларға жүргізілген зерттеулер эмбрионның/фетальді, перинаталдық және постнатальді дамуға қатысты тікелей немесе жанама зиянды әсерлерін көрсеткен жоқ. Жүкті әйелдерге препаратты тек қатаң көрсетілімдері бойынша, анасы үшін болжамды пайдасы шарана үшін ықтимал қауіптен асып түсетін жағдайда ғана тағайындау керек.
Цефтриаксон емшек сүтіне өтеді. Оны анасы емдік дозаларында қолданғанда, цефтриаксонның емшектегі балаға ықпал ету ықтималдығы аз, дегенмен, балада диареяның, шырышты қабықтардың зеңдік инфекцияларының және аса жоғары сезімталдық реакцияларының дамуы қаупін жоққа шығаруға болмайды. Емшек емудің бала үшін артықшылықтары мен емнің анасы үшін пайдасын ескере отырып, емшек емізуді тоқтату немесе цефтриаксонмен емделуді тоқтату/бас тарта тұру қажет.
Фертильділігін зерттеулер кезінде ерлердің немесе әйелдердің репродуктивтік функцияларына жағымсыз әсері білінген жоқ.
Пепараттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Цеф III® препаратымен емдеу кезінде бас айналуының және көлік құралдары мен басқа механизмдерді басқару қабілетіне әсер етуі мүмкін жағымсыз реакциялардың туындауы мүмкіндігіне байланысты сақтық таныту керек.
5. Қолдану жөніндегі нұсқаулар
Препараттың дозасы инфекция үдерісінің ауырлығына, қоздырғышының сезімталдығына, орнығуы мен типіне, пациенттің жас шамасына және бауыр мен бүйрек функциясының жай күйіне тәуелді.
Төмендегі кестелерде көрсетілімдеріне байланысты ұсынылатын жалпы дозалары келтірілген. Жекелеген жағдайларда, ауыр ағымы кезінде, ұсынылатын жоғарырақ дозаларын тағайындау қажеттілігін қарастыру керек.
Ересектер мен 12 жастан асқан (дене салмағы > 50 кг) балалар
| Препараттың дозасы* | Енгізу жиілігі ** | Көрсетілімдері |
| 1-2 г | тәулігіне 1 рет | Ауруханадан тыс пневмония |
| Өкпенің созылмалы обструкциялық ауруларының қайталанулары | ||
| Құрсақ қуысы ағзаларының инфекциялары | ||
| Бүйрек және несеп шығару жолдарының асқынған инфекциялары (пиелонефритті қоса) | ||
| 2 г | тәулігіне 1 рет | Ауруханалық пневмония |
| Тері мен жұмсақ тіндердің асқынған инфекциялары | ||
| Сүйектер мен буындардың инфекциялары | ||
| 2-4 г | тәулігіне 1 рет | Нейтропениясы бар пациенттердегі қызба кезінде бактериялық инфекцияның болуына күдіктенгенде |
| Бактериялық эндокардит | ||
| Бактериялық менингит |
* бактериемия расталған жағдайда, ұсынылатын жоғарырақ дозаларын тағайындау қажеттілігінқарастыру керек
** тәулігіне 2 г асатын дозалары тағайындалған жағдайда, препаратты қабылдау жиілігін 2-ге бөлуге болады (әр 12 сағат сайын)
Препаратты енгізудің арнайы режимін қажет ететін ересектер мен 12 жастан асқан (>50 кг) балаларға арналған көрсетілімдері:
Жедел ортаңғы отит
Препаратты 1-2 г дозада бұлшықет ішіне бір рет енгізуге болады.
Шектеулі деректер, ауыр инфекция жағдайларында немесе осының алдындағы ем сәтсіз болған жағдайда, Цеф III® препараты 3 күн бойы күнделікті 1-2 г дозада бұлшықет ішіне тағайындағанда тиімді болуы мүмкін.
Операция алдындағы хирургиялық инфекциялардың профилактикасы
Операция алдында 2 г дозада бір рет енгізу.
Соз
500 мг дозада бұлшықет ішіне бір рет енгізу.
Мерез
Ұсынылатын дозасы тәулігіне 500 мг-ден 1 г дейін, нейромерез кезінде –10-14 күн бойы 2 г дейін құрайды. Нейромерезді қоса, мерез кезіндегі дозасы жөніндегі нұсқаулар шектеулі деректерге негізделген, сондықтан, препаратты тағайындаған кезде ұлттық және жергілікті нұсқаулықтарды ескеру қажет.
Диссеминацияланған Лайм-боррелиоз (бастапқы (П) және кейінгі (III) сатысы)
14-21 күн бойы тәулігіне бір рет 2 г дозада қолдану керек. Емнің ұсынылатын ұзақтығы ауытқып тұруы мүмкін. Ұлттық және жергілікті нұсқаулықтарды ескеру қажет.
Балалар
Жаңа туған нәрестелер, сәбилер және 15 күндіктен 12 жасқа дейінгі (<50 кг) балалар
Дене салмағы 50 кг және одан асатын балалар арналған әдеттегі дозасын қолдануы тиіс ересектерге.
| Препараттыңдозасы * | Енгізу жиілігі** | Көрсетілімдері |
| 50-80 мг/кг | тәулігіне 1 рет | Құрсақ қуысы ағзаларының инфекциялары |
| Бүйрек және несеп шығару жолдарының асқынған инфекциялары (пиелонефритті қоса) | ||
| Ауруханадан тыс пневмония | ||
| Ауруханалық пневмония | ||
| 50-100 мг/кг (ең жоғарғы тәуліктік дозасы - 4 г) | тәулігіне 1 рет | Тері мен жұмсақ тіндердің асқынған инфекциялары |
| Сүйектер мен буындардың инфекциялары | ||
| Нейтропениясы бар пациенттердегі қызба кезінде бактериялық инфекцияның болуына күдіктенгенде | ||
| 80-100 мг/кг ( ең жоғарғытәуліктік дозасы- 4 г) | тәулігіне 1 рет | Бактериялық менингит |
| 100 мг/кг (ең жоғарғытәуліктік дозасы - 4 г) | тәулігіне 1 рет | Бактериялық эндокардит |
* бактериемия расталған жағдайда, ұсынылатын жоғарырақ дозаларын тағайындау қажеттілігінқарастыру керек
** тәулігіне 2 г асатын дозалары тағайындалған жағдайда, препаратты қабылдау жиілігін 2-ге бөлуге болады (әр 12 сағат сайын).
Препаратты енгізудің арнайы режимін қажет ететін жаңа туған нәрестелер, сәбидер және 15 күндіктен 12 (<50кг) жасқа дейінгі балаларға арналған көрсетілімдері:
Жедел ортаңғы отит
Препаратты 50 мг/кг дозада бұлшықет ішіне бір рет енгізу ұсынылады.
Шектеулі деректер, ауыр инфекция жағдайларында немесеосының алдындағыемнің әсері болмаған жағдайда, Цеф III® препаратын 3 күн бойы тәулігіне 50 мг/кг дозада бұлшықет ішіне енгізу тиімді болуы мүмкін екендігін көрсетіп отыр.
Операция алдындағы хирургиялық инфекциялардың профилактикасы
Операция алдындакг дене салмағына 50-80 мгдозада бір рет енгізіледі.
Мерез
Ұсынылатын дозасы 10-14 күн бойы тәулігіне75-100 мг/кг-денбасталады (ең жоғарғы тәуліктік дозасы - 4 г). Нейромерезді қоса, мерез кезіндегі дозасы жөніндегі нұсқауларшектеулі деректерге негізделген, сондықтан, препаратты тағайындаған кездеұлттық және жергілікті нұсқаулықтардыескеру қажет.
Диссеминациялаған Лайм-боррелиоз (бастапқы (П) және кейінгі (III) сатысы)
14-21 күн бойы тәулігіне бір рет50-80 мг/кг. Емдеу курсының ұзақтығыауытқып тұруы мүмкін. Ұлттық және жергілікті нұсқаулықтардыескеру қажет.
Жаңа туған 0-14 күндік нәрестелер
Цеф III® препаратын 41 апта (жүктілік аптасы + туылғаннан кейінгі апталары) мерзімге дейінгі шала туылған нәрестелерге қолдануға болмайды
| Препараттың дозасы * | Енгізу жиілігі | Көрсетілімдері |
| 20-50 мг/кг | Тәулігіне 1 рет | Құрсақ қуысы ағзаларының инфекциялары |
| Тері мен жұмсақ тіндердің асқынған инфекциялары | ||
| Бүйрек және несеп шығару жолдарының асқынған инфекциялары (пиелонефритті қоса) | ||
| Ауруханадан тыс пневмония | ||
| Ауруханалық пневмония | ||
| Сүйектер мен буындардың инфекциялары | ||
| Нейтропениясы бар пациенттердегіқызба кезінде бактериялық инфекцияның болуына күдіктенгенде | ||
| 50 мг/кг | Тәулігіне 1 рет | Бактериялық менингит |
| Бактериялық эндокардит |
* бактериемия расталған жағдайда, ұсынылатын жоғарырақ дозаларын тағайындау қажеттілігінқарастыру керек.
Ең жоғарғы тәуліктік дозасын 50 мг/кг арттырмау керек.
Жаңа туған 0-14 күндік, препаратты енгізудің арнайы режимін қажет ететін нәрестелер үшін қолданылулары:
Жедел ортаңғы отит
Препаратты 50 мг/кг дозада бұлшықет ішіне бір рет енгізу ұсынылады.
Операция алдындағы хирургиялық инфекциялардың профилактикасы.
20-50 мг/кг дозада бір рет енгізу ұсынылады.
Мерез
Ұсынылатын дозасы10-14 күн бойы тәулігіне 50 мг/кг-ден басталады. Нейромерезді қоса, мерез кезіндегі дозасы жөніндегі нұсқауларшектеулі деректерге негізделген, сондықтан, препаратты тағайындаған кездеұлттық және жергілікті нұсқаулықтардыескеру қажет.
Емдеу ұзақтығы
Емнің ұзақтығы аурудың ағымына тәуелді. Цеф III® препаратын қолдануды пациенттің дене температурасы қалыпқа түскеннен немесе қоздырғыш эрадикациясы расталғаннан кейін 48-72 сағат бойы жалғастыру керек.
Егде жастағы адамдар
Бауыр функциясының және бүйрек функциясының бұзылулары болмаса –жас шамасына қарай түзетулерсіз, ересектерге арналған әдеттегі дозалары.
Бауыр функциясының бұзылуы бар пациенттерде қолданылуы
Бүйрек функциясы қалыпты болған жағдайда, бауыр функциясының жеңіл немесе орташа бұзылуы кезінде дозасын Цеф III® түзету қажет емес. Препараттың бауыр функциясының ауыр бұзылулары кезінде қолданылуы туралы деректер жоқ.
Бүйрек функциясының бұзылуы бар пациенттерде қолданылуы
Бауыр функциясы бұзылмаған болса, бүйрек функциясының бұзылулары бар пациенттерде Цеф III® дозасын түзету қажет емес. Бүйректіңпретерминальді жеткіліксіздігі (креатинин клиренсі <10 мл/мин) жағдайларда, Цеф III® дозасы тәулігіне 2 г аспауы тиіс. Диализ жүргізілетін пациенттерде препаратты емшарадан кейін қосымша енгізу қажет емес. Цеф III® перитонеальді гемодиализ жолымен шығарылмайды. Препараттың қауіпсіздігі мен тиімділігіне клиникалық бақылау жүргізу қажет.
Бауыр мен бүйрекің ауыр жеткіліксіздігі бар пациенттерде қолданылуы
Цеф III® препаратын бүйрек пен бауырдың ауыр жеткіліксіздігі бар пациенттерде қолданғанда, препараттың қауіпсіздігі мен тиімділігіне клиникалық бақылау жүргізу қажет.
Енгізу әдісі және жолы
Бұлшықет ішіне енгізуді терең инъекция жолымен жүзеге асыру керек. Бір бұлшықетке 1 г асырмай енгізу ұсынылады.
Құрамында лидокаин бар ерітіндіні вена ішіне енгізуге болмайды.
Вена ішіне енгізу
Цеф III® препаратын 30 минуттан кем емес венаішілік инфузия түрінде (қолайлы жолы), вена ішіне 5 минут бойы баяу сорғалатып қолдану керек. Вена ішіне сорғалатып енгізуді 5 минут ішінде, дұрысы ірі веналарға жүзеге асыру керек. Сәбилер мен 12 жасқа дейінгі балаларда венаішілік 50 мг/кг немесе одан көп дозаларын инфузия жолымен енгізу керек. Жаңа туған нәрестелерде билирубиндік энцефалопатияның ықтимал қаупін азайту үшін, инфузия ұзақтығы 60 минуттан артықты құрауы тиіс.Вена ішіне енгізу мүмкін болмаған немесе бұлшықетішілік енгізу жолы пациент үшін қолайлы болып табылатын жағдайларда, Цеф III® ерітіндісін бұлшықет ішіне енгізген дұрыс. 2 г асатындозалары үшін вена ішіне енгізу тәсілін пайдалану керек.
Өкпе мен бүйректе цефтриаксон-кальцийпреципитаттарының түзілуі қаупіне байланысты,Цеф III® препаратын жаңа туған (≤ 28 күндік) нәрестелерге қолдануға болмайды.
Тұнба түзілуі қаупіне байланысты, цефтриаксонды еріту үшінқұрамындакальций барпрепараттарды (Рингер ерітіндісі, Хартман ерітіндісі) араластырмау керек. Сонымен қатар,цефтриаксонныңкальций тұздары преципитаттарының туындауыпрепаратты құрамында кальций бар ерітінділермен, вена ішіне енгізуге арналған біринфузиялық жүйеде араластырған кезде орын алуы мүмкін. Сондықтан,цефтриаксонмен құрамындакальций бар ерітінділерді араластырмау немесе бір мезгілде қолданбау керек.
Операция алдындағы хирургиялықинфекциялардыңпрофилактикасы үшінЦеф III® препаратын операцияға дейін 30-90 минутбұрын енгізу керек.
Дәрілікпрепаратты қолданғанға дейін сұйылту жөніндегі нұсқаулар алу үшін төменнен қараңыз.
Цеф III® , 1 г, инъекцияға үшін ерітінді дайындауға арналған ұнтақ
Вена ішіне енгізу үшін Цеф III® , 1 г, инъекцияға үшін ерітінді дайындауға арналған ұнтақты инъекцияға арналған 10 мл суға еріту керек. Инъекцияны 5 минут ішінде тікелей венаға немесе инфузиялық түрде енгізу керек.
Бұлшықет ішіне енгізу үшін Цеф III® , 1 г, инъекция үшін ерітіндіні дайындауға арналған ұнтақты 1% лидокаин гидрохлориді ерітіндісінде 3,5 мл еріту керек.Ерітіндіні бұлшықет ішіне терең инъекция арқылы енгізу керек. 1 г-ден асатын дозаларды бөліп, бір орыннан басқа жерге енгізу керек.
Цеф III® , 1 г ығыстыру көлемі инъекцияға арналған суда 0,71 мл және лидокаин гидрохлориді ерітіндісінің 1% құрайды.Инъекцияға арналған 10 мл су қосылған кезде қалпына келтірілген ерітіндінің соңғы концентрациясы 93,37 мг / мл құрайды.3,5 мл 1% лидокаин гидрохлориді ерітіндісін қосқан кезде қалпына келтірілген ерітіндінің соңғы концентрациясы 237,53 мг / мл құрайды.
Цеф III®, 500 мг, инъекция үшін ерітінді дайындауға арналған ұнтақ
Вена ішіне енгізу үшін Цеф III® , 500 мг, инъекция үшін ерітінді дайындауға арналған ұнтақты инъекцияға арналған 5 мл суға еріту керек. Инъекцияны 5 минут ішінде тікелей венаға немесе инфузиялық түрде енгізу керек.
Бұлшықет ішіне инъекция үшін Цеф III® , 500 мг, инъекция үшін ерітінді дайындауға арналған ұнтақты 1% лидокаин гидрохлоридінің 2 мл ерітіндісінде еріту керек.Ерітіндіні бұлшықет ішіне терең инъекция арқылы енгізу керек. 1 г-ден асатын дозаларды бөліп, бір орыннан басқа жерге енгізу керек.
Цеф III®, 250 мг, инъекция үшін ерітінді дайындауға арналған ұнтақ
Вена ішіне енгізу үшін Цеф III® , 250 мг, инъекция үшін ерітінді дайындауға арналған ұнтақты инъекцияға арналған 2,5 мл суға еріту керек. Инъекцияны 5 минут ішінде тікелей венаға немесе инфузиялық түрде енгізу керек.
Бұлшықет ішіне инъекция үшін Цеф III® , 250 мг, инъекция үшін ерітінді дайындауға арналған ұнтақты 1% лидокаин гидрохлоридінің 2 мл ерітіндісінде еріту керек. Ерітіндіні бұлшықет ішіне терең инъекция арқылы енгізген жөн.1 г-ден асатын дозаларды бөлу және бір орыннан басқа жерге енгізу керек.
Алмастыру көлемі Цеф III® , 250 мг инъекцияға арналған суда 0,18 мл және лидокаин гидрохлоридінің 1% ерітіндісін құрайды.Инъекцияға арналған 2,5 мл суды қосқан кезде қалпына келтірілген ерітіндінің соңғы концентрациясы 93,28 мг / мл құрайды.2 мл 1% лидокаин гидрохлориді ерітіндісін қосқан кезде қалпына келтірілген ерітіндінің соңғы концентрациясы 114,68 мг / мл құрайды.
Артық дозаланған жағдайда қолдану қажет шаралар
Артық дозаланған жағдайда жүрек айнуы, құсу және диарея туындауы мүмкін. Гемодиализ бен перитонеальді диализ препараттың концентрациясын төмендетпейді. Арнайы антидоты жоқ.
Емі:
Симптоматикалық.
Дәрілік препараттың бір немесе бірнеше дозасын жіберіп алғанда қажетті шаралар
Ұмытылып қалған дозасының орнын толтыру үшін екі есе дозасын қабылдамаңыз.
Тоқтату симптомдары қаупінің бар екендігі туралы нұсқау
Қатысы жоқ
Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар
Дәрілік препаратты қабылдамас бұрын дәрігерге немесе фармацевтке жүгініңіз.
Жағымсыз реакцияларының сипаттамасы
Жиі
Жиі емес
Сирек
Белгісіз
