Сипаттама
Дәрілік затты медициналық қолдану
жөніндегі нұсқаулық
Исла-Моос®
Саудалық атауы
Исла-Моос®
Халықаралық патенттелмеген атауы
Жоқ
Дәрілік түрі
Соруға арналған пастилкалар
Құрамы
Бір пастилканың құрамында
| белсенді зат – исландия мүгінің сулы экстрактісі ((0.4 – 0.8) : 1) 80.00 мг,
қосымша заттар: гуммиарабик 85%, экстрактіден алынған сахароза, сахароза,карамель Е 150с (қант колері III), сұйық парафин, тазартылған су. |
Сипаттамасы
Жайпақ, біркелкі емес дөңгелектелген, линза тәрізді, резеңке тәрізді қоңыр пастилкалар, биіктігі 4,7 мм - 0,7 мм / +1.3 мм, диаметрі 16,0 мм ± 0,5 мм. Құрамында ауа көпіршіктері болуы мүмкін
Фармакотерапиялық тобы
Респираторлық жүйе. Тамақ ауруын емдеуге арналған препараттар.
АТХкоды R02A
Фармакологиялық қасиеттері
Фармакокинетикасы
Фармакокинетика жөніндегі деректер сипатталмаған.
Фармакодинамикасы
Исла-Моос пастилкалары препаратының құрамында жоғарғы тыныс жолдарына жағымды әсер ететін исландия мүгі дәрілік шөбінен алынған экстракт бар.
Препарат құрамындағы полисахаридтер ауа өткізгіш жолдардың шырышты қабығын бүркемелейді және оларды сыртқы зиянды факторлар мен түрлі тітіркендіргіштерден тиімді қорғайды. Препараттың бүркемелегіш әсері де болғандықтан, оны профилактика мақсатында да, мысалы, тыныс алу жолдарының ерекше сезімталдығында немесе оларға жүктеме жоғары болғанда қолдануға болады.
Суық тию қаупі болғанда шырышты қабықты қорғауға қабілетті Исла-Моос пастилкалары препаратын профилактикалық тұрғыда қолдану тыныс алу жолдарының түрлі инфекцияларға шалдыққыштығын төмендете алады.
Қолданылуы
Симптоматикалық ем ретінде:
- тамақтың жыбырлауында, қарлығуда
- әншілердегі, лекторлардағы дауыс байламдарына жоғары жүктемеде
- жылыту кезеңіндегі ауаның құрғауында
- мұрынмен тыныс алудың шектелуінде
Қолдану тәсілі және дозалары
Ересектер мен 12 жастан асқан балалар: ауызда баяу еруге мүмкіндік бере отырып, сағат сайын 1 пастилкадан қабылдау керек.
Ең жоғары тәуліктік доза: 12 пастилка.
4-тен 12 жасқа дейінгі балалар: ауызда баяу еруге мүмкіндік бере отырып, әр 2 сағат сайын 1 пастилкадан қабылдау керек.
Ең жоғары тәуліктік доза: 6 пастилка.
Емдеу курсы – 10 күн. Егер 10 күн ішінде жағдай жақсармаса, дәрігерге қаралу керек.
Ауру симптомдарын жойғаннан кейін де тұрақты емдік әсерге қол жеткізу мақсатында Исла-Моосты тағы 2-3 күн қабылдау керек.
Тыныс алу жолдарын қорғау үшін профилактика мақсатында оларға жоғары күш түскенде (тамақтың жыбырлау сезімі немесе жоғары жүктеме, мысалы, сөйлеу, спорт) Исла-Моос препаратын ауызда баяу еруіне мүмкіндік бере отырып, бұл ретте ең жоғары тәуліктік дозадан асырмай, тәулігіне бірнеше рет 1 пастилкадан қабылдау керек.
Жағымсыз әсерлері
- препараттың қандай да бір ингредиентіне аса жоғары сезімталдық
Қолдануға болмайтын жағдайлар
- препараттың қандай да бір ингредиентіне жоғары сезімталдық
- фруктоза жақпаушылығы
- 4 жасқа дейінгі балаларға
Дәрілермен өзара әрекеттесуі
Белгісіз
Айрықша нұсқаулар
Қант диабеті бар пацинеттерге сақтықпен қолдану керек.
1 пастилка 0,035 нан бірлігіне = 0,424 г көмірсуға сәйкес келеді.
Жүктілік және лактация кезеңі
Жүктілік кезінде және лактация кезеңінде ана үшін күтілетін пайдасы және шарана мен балаға төнетін ықтимал қаупінің арақатынасын алдын ала бағалаудан кейін ғана препаратты қолдануға болады.
Исла-Моос пастилкалары препаратының құрамында болатын исландия мүгінен алынған өсімдік экстрактісі кейде препараттың түсі мен дәмін өзгертуі мүмкін, бұл емдік әсеріне ықпалын тигізбейді.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Әсер етпейді
Артық дозалануы
Анықталмаған.
Шығарылу түрі және қаптамасы
10 пастилкадан поливинилхлоридті үлбірден және баспалы лакталған алюминий фольгадан жасалған пішінді ұяшықты қаптамада.
3 пішінді қаптамадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынған.
Сақтау шарттары
Құрғақ жерде, 250С-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
4 жыл
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецептісіз
Өндіруші/Қаптаушы кәсіпорын
Энгельхард Арцнаймиттель ГмбХ & Ко. КГ.
Херцбергштрассе 3, 61138 Нидердорфельден, Германия.
Тіркеу куәлігінің ұстаушысы
Энгельхард Арцнаймиттель ГмбХ & Ко. КГ., Германия
Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын ұйымның атауы, мекенжайы және байланыс деректері (телефон, факс, электронды пошта):
«Альпен Фарма» ЖШС, Қазақстан Республикасы,
Алматы обл., Қарасай ауданы, Елтай ауылдық округы,
Көкөзек а., 1044 құрылыс, индекс 040114
Тел./факс+ 7 727 232-34-73,
+ 7 727 232-34-74
E-mail: info.kazakhstan@alpenpharma.com
Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта):
«Альпен Фарма» ЖШС, Қазақстан Республикасы,
Алматы обл., Қарасай ауданы, Елтай ауылдық округы,
Көкөзек а., 1044 құрылыс, индекс 040114
Моб. +7 701 035 70 69
E-mail: pv.kz@alpenpharma.com
