Рецепт бойынша
Тауарлардың көрінісі фотосуретте көрсетілгеннен өзгеше болуы мүмкін

Офломелид 50 г мазь

Қолжетімділігі
Тауар қолда жоқ
Үлгі
4602565022898
Елі
Россия
Өндіруші
Синтез ОАО
  • Сипаттама

Сипаттама

Дәрілік затты медициналық қолдану

жөніндегі нұсқаулық

ОФЛОМЕЛИД®

Саудалық атауы

ОФЛОМЕЛИД®

Халықаралық патенттелмеген атауы

Жоқ

Дәрілік түрі

Сыртқа қолдануға арналған жақпамай

Құрамы

100 г жақпамайдың құрамында

белсенді заттар: офлоксацин –1 г,

метилурацил – 4 г,

лидокаин гидрохлоридінің моногидраты(лидокаин гидрохлоридіне шаққанда) 3 г,

қосымша заттар: нипагин – 0,08 г, нипазол - 0,02 г, пропиленгликоль – 10 г, макрогол-1500, макрогол-400.

Сипаттамасы

Түсі ақ немесе ақ дерлік жақпамай

Фармакотерапиялық тобы

Тері ауруларын емдеуге арналған препараттар. Тері ауруларын емдеуге арналған бактерияға қарсы препараттар және микробқа қарсы препараттар. Сыртқа қолдануға арналған микробқа қарсы басқа препараттар. Микробқа қарсы басқа препараттар. Офломелид.

АТХ коды D06BX

Фармакологиялық қасиеттері

Фармакокинетикасы

Препараттың фармакокинетикасы жөніндегі деректер ұсынылмаған.

Фармакодинамикасы

Офломелид® - біріктірілген препарат, микробқа қарсы, қабынуға қарсы, жергілікті жансыздандыратын, регенерациялаушы әсер етеді. Белсенді заттары офлоксацин, метилурацил және лидокаин болып табылады.

Офлоксацин фторхинолондар тобынан шыққан әсер ету ауқымы кең микробқа қарсы дәрі. Бактериялық жасушалардағы ДНҚ-гираза блокадасы есебінен бактерицидті әсер етеді. ДНҚ-гиразасы бактериялық ДНҚ репликациясы, транскрипциясы, репарациясы және рекомбинациясы үшін қажет. Оның тежегіштігі бактериялық ДНҚ тарқату мен дестабилизациясын тудырады және оның нәтижесінде микробтық жасуша қырылады.

Офлоксацинге аса сезімтал микроағзалар (ЕТБК ≤ 0.5 мг/л):

грамоң аэробтар – Staphylococcus aureus methi-S (метициллинге сезімтал штаммдар), Staphylococcus coagulase negative (коагулаз-теріс стафилококтар: Staphylococcus epidermidis, Staphylococcus saprophyticus, Staphylococcus haemolyticus, Staphylococcus hominis және т.б.); грамтеріс аэробтар – Aeromonas hydrophila, Bordetella spp., Brucella spp., Campylobacter jejuni, Citrobacter spp. (Citrobacter freundii қосқанда), Enterobacter spp. (Enterobacter cloacae, Enterobacter aerogenes, Escherichia coli, Haemophilus ducreyi, Haemophilus influenzae, Haemophilus parainfluenzae, Klebsiella spp. қосқанда (Klebsiella pneumonia қосқанда), Moraxella (Brahamella) catarrhalis, Morganella morganii, Neisseria gonorrhoeae, Neisseria meningitides, Plesiomonas spp., Proteus spp. (Proteus mirabilis, Proteus vulgaris (indole + и indole -)), Providencia spp., Salmonella spp., Serratia (Serratia marcescens қосқанда), Shigella spp. (Shigella sonnei қосқанда), Vibrio spp. (Vibrio cholerae, Vibrio parahaemolyticus қосқанда), Yersinia spp. (Yersinia enterocolitica қосқанда);

анаэробтарClostridium perfringens, Helicobacter pylori, Propionibacterium acnes;

басқалары Chlamydia trachomatis, Legionella spp., Mycoplasma spp. (Mycoplasma hominis қосқанда).

Офлоксацинге қалыпты сезімтал микроорганизмдер: Acinetobacter spp. (Acinetobacter calcoaceticus қосқанда), Bacteroides fragilis, Bacteroides urealyticus, Chlamydia psittaci, Gardnerella varginalis, Enterococcus faecalis, Mycobacterium tuberculosis, Mycobacterium leprae, анаэробты грамоң кокктар (Peptococcus spp., Peptostreptococcus spp., Pseudomonas spp. (Pseudomonas aeruginosa қосқанда), Streptococcus pyogenes, Streptococcus pneumoniae, Streptococcus viridians) – тек қана пенициллинге сезімтал штаммдар, Ureaplasma urealyticum.

Офлоксацинге резистентті микроорганизмдер (ЕТБК > 1 мг/мл): Acinetobacter baumannii, Enterococcus spp. көптеген штаммалары, Listeria monocytogenes, Nocardia spp., (соның ішінде Nocardia asteroids), метициллинге резистентті штаммдар Staphylococcus aureus и Staphylococcus spp. (Staphylococcus methi-R), Treponema pallidum.

Метилурацил тіндер репарациясының ынталандырғышы. Анаболизмдік белсенділікке ие. Тіндердің өсуі мен бітуін жетілдіруді жеделдете отырып, жаралардағы жасушалық регенерация үдерістерін және эпителизацияны жылдамдатады.

Na+ - жолдарының блокадасы салдарынан жергілікті жансыздандыратын әсер береді, бұл сезімтал нейрондар ұштарындағы импульстар генерациясы мен импульстардың жүйке талшықтарымен өтуіне кедергі жасайды. Сыртқа қолданғанда тамырларды кеңейтеді, жергілікті тітіркендіретін әсер береді.

Жақпамайдың суда еритін және (гидрофильді) және аса шайырлы негізін тіндергеәсер ету күші жағынан10 % натрий хлориді ерітіндісінен 20 есе асып түсіп 18-20 сағатқа созылатын дегидраттаушы және осмостық әсермен қамтамасыз ететін молекулярлық массасы 400 және 1500 полиэтиленоксидтер (полиэтиленгликоль) қоспасы (ПЭО-400 және ПЭО-1500 немесе ПЭГ-400 және ПЭГ-1500) құрайды.

Қолданылуы

Жарақат үдерісінің (іріңді-некрозды) оның ішінде айқын ауыру синдромымен қатар жүретін бірінші фазадағы орналасуы мен этиологиясы әртүрлі инфекция жұқтырған жараларда (инфекция жұқтырған II-IV дәрежедегі күйіктер, тесілулер, трофикалық ойық жаралар, операциядан кейінгі және жарақаттанудан кейінгі жаралар мен жыланкөздер, тіліп ашылған абсцесс жаралары, флегмоналар, хирургиялық өңдеуден кейінгі абсцестенген фурункулдар, карбункулдар, гидрадениттер, іріңдеген атеромалар, липомалар және т.б.).

Қолдану тәсілі және дозалары

Сыртқа, 1-2 апта бойы күніне 1 рет. Жара мен күйікті стандартты өңдеуден кейін жақпамайды тікелей жара беткейіне жұқалап (мұнан соң стерильді дәке таңғышты салады) немесе зақымдану ошағына аппликация салу арқылы дәке таңғышқа жағады.Іріңді жаралардың қуыстарын оларды хирургиялық өңдегеннен кейін жақпамай сіңдірілген тампондармен қопсытатолтырады, ал жақпамайы бар дәке білтелерді жыланкөздер жолдарына кіргізеді. Іріңді жараларды емдеу кезінде жақпамайды тәулігіне 1 рет, күйікті емдеу кезінде – күнделікті немесе іріңді бөлінудің мөлшеріне қарай аптасына 2-3 рет. Ең жоғары тәуліктік доза 100 г аспауы тиіс. Емдеудің ұзақтығы жараларды іріңді экссудаттан тазарту динамикасына және қабыну үдерісін басу мерзіміне байланысты.

Жағымсыз әсерлері

Аллергиялық реакциялар.

Қолдануға болмайтын жағдайлар

Препарат компоненттеріне жеке жоғары сезімталдық, жүктілік, лактация кезеңі, 18 жасқа дейінгі балалар.

Дәрілермен өзара әрекеттесуі

Қолданылатын препараттар тиімділігі мен қауіпсіздігінің азаюына әкелетін дәрілік заттармен өзара әрекеттесу жағдайлары анықталмаған.

Айрықша нұсқаулар

Дәрілік заттың көлік немесе қауіптілігі зор механизмдерді басқару қабілетіне әсер ету ерекшеліктері

Анықталмаған.

Артық дозалануы

Осы уақытқа дейін препараттың артық дозалануы жөніндегі деректер жоқ.

Шығарылу түрі мен қаптамасы

30 г, 50 г, 100 г алюминий сықпада.

200 г алғашқы ашылуы бақыланатын полимер банкіде.

Стационар үшін 200 г, 400 г медициналық қолдану жөніндегі мемлекеттік және орыс тіліндегі 5 нұсқаулықты қоса, алғашқы ашылуы бақыланатын полимер банкіде.

Стационар үшін 1000 г медициналық қолдану жөніндегі мемлекеттік және орыс тіліндегі 5 нұсқаулықты қоса, бұралатын қақпағы бар полимер банкіде.

30 г, 50 г, 100 г әр сықпаны немесе 200 г банкі медициналық қолдану жөніндегі мемлекеттік және орыс тіліндегі нұсқаулықпен картон қорапшаға салынады.

Сақтау шарттары

Жарықтан қорғалған жерде, 15°С-ден 25°С-ге дейінгі температурада сақтау керек.

Балалардың қолы жетпейтін жерде сақтау керек!

Сақтау мерзімі

Сықпалар: 4 жыл. Сықпаны ашқаннан кейін 3 ай ішінде пайдалану керек.

Банкалар: 4 жыл. Банкіні ашқаннан кейін 3 ай ішінде пайдалану керек. Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші/Қаптаушы

«Синтез» ААҚ

Ресей Федерациясы, 640008, Қорған обл., Қорған қ., Конституция даңғылы, 7 үй.

Тел./факс (3522) 48-16-89

E-mail: real@kurgansintez.ru

www.kurgansintez.ru

Тіркеу куәлігінің ұстаушысы

"МС-Вита" ЖШҚ, Ресей Федерациясы

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері

«Deсalog» ЖШС, 050050, Қазақстан Республикасы,

Алматы қ., Глазунов к-сі, 41 А-1

тел. 2944221, тел. 8 7017315218

E-mail: deсalog@nur.kz