Рецепт бойынша
Тауарлардың көрінісі фотосуретте көрсетілгеннен өзгеше болуы мүмкін

Сертоцеф порошок д/приготовления р-р для инъекций растворителем 100 мг №1

Қолжетімділігі
Тауар қолда жоқ
Үлгі
8680352270164
Елі
Турция
Өндіруші
ФармаВижн Сан ве Тидж А.Ш
  • Сипаттама

Сипаттама

Дәрілік препаратты медициналық қолдану жөніндегі нұсқаулық

Саудалық атауы

Сертоцеф

Халықаралық патенттелмеген атауы

Цефтриаксон

Дәрілік түрі, дозасы

Инъекция үшін ерітінді дайындауға арналған 1.0 г ұнтақ еріткішпен жиынтықта (1% лидокаин гидрохлоридінің 3.5 мл ерітіндісі).

Фармакотерапиялық тобы

Жүйелі қолдануға арналған инфекцияға қарсы препараттар Жүйелі қолдануға арналған бактерияға қарсы препараттар. Басқа бактерияға қарсы бета-лактамды препараттар. Үшінші буын цефалоспориндері. Цефтриаксон.

АТХ коды J01DD04.

Қолданылуы

Сертоцеф мерзімі жетіп туылған нәрестелерді (туылған сәтінен бастап) қоса, балалар мен ересектердегі келесі инфекцияларды емдеу үшін қолданылады:

- бактериялық менингитте

- ауруханадан тыс пневмонияда

- ауруханалық пневмонияда

- жедел ортаңғы отитте

- құрсақішілік инфекцияларда

- несеп шығару жолдарыныңасқынған инфекцияларында (пиелонефритті қоса)

- сүйектер мен буындардың инфекцияларында

- тері мен жұмсақ тіндердің асқынған инфекцияларында

- созда

- мерезде

- бактериялық эндокардитте.

Сертоцефті мыналарда қолдануға болады:

- ересектердегі өкпенің созылмалы обструкциялық ауруының өршулерін емдеу үшін

- туылғанынан 15 күндігінен бастап жаңа туған нәрестелерді қоса, балалар мен ересектердегі диссеминацияланған Лайм/боррелиозды (бастапқы (II сатысы) және кейінгі (III сатысы)) емдеу үшін

-хирургиялық инфекциялардың операция алдындағы профилактикасы үшін

- бактериялық инфекцияға күдік тудырған қызба кезіндегі нейтропениясы бар пациенттерді емдеу үшін

- жоғарыда көрсетілген инфекциялардың қандай-да біреуінен туындаған/ күмәнді бактериемиясы бар пациенттерді емдеу үшін.

Егер патогендердің ықтимал ауқымы препараттың әсер ету ауқымына кірмейді деп шамаланса, Сертоцефті бактерияға қарсы басқа дәрілерменбіріктірілімде қолдану керек.

Қолдануды бастағанға дейін қажетті мәліметтер тізбесі

Қолдануға болмайтын жағдайлар

-цефтриаксонға, басқа цефалоспориндерге немесе қосымша заттарының қандай-да біреуіне аса жоғары сезімталдық;

- анамнездегі кез келген басқа бета-лактамдық бактерияға қарсы дәрілерге (пенициллиндерге, монобактамдарға және карбапенемдерге)ауыр аса жоғары сезімталдық (мысалы, анафилаксиялық реакция);

- 41 апта мерзімге дейінгі шала туылған нәрестелерге постконцептуальді жаста (гестациялық + постнатальді жаста)*

- мерзімі жетіп туылған нәрестелерге (28 күнге дейінгі):

  • гипербилирубинемиясы, сарғаюы немесе гипоальбуминемиясы немесе ацидозы бар нәрестелерге, өйткені мұндай жағдайларда билирубиннің байланысуы бұзылады*;
  • цефтриаксон кальций тұзының шөгу қаупі себепті, кальцийді вена ішіне қолдану немесе құрамында кальций бар инфузияларды жүргізу қажет болған жағдайда (немесе қажеттілігі күтілетін болса).

* in vitro зерттеулер, цефтриаксонның билирубинді қан сарысуы альбуминімен байланысу орнынан ығыстырып шығаруға қабілетті екендігін көрсетті, бұл ондай пациенттерде билирубиндік энцефалопатияның ықтимал қаупіне алып келеді.

Цефтриаксонның еріткіш ретінде лидокаин ерітіндісі пайдаланылған бұлшықетішілік инъекциясы алдында лидокаинді қолдануға қарсы көрсетілімдердің бар-жоқтығын анықтау қажет.

Құрамында лидокаин бар цефтриаксон ерітінділерін вена ішіне қолдануға болмайды.

Қолдану кезіндегі қажетті сақтық шаралары

Лидокаин еріткіш ретінде пайдаланылған жағдайда, цефтриаксон ерітінділері тек бұлшықет ішіне енгізу үшін қолданылуы тиіс. Лидокаин ерітіндісін вена ішіне енгізбеген жөн.

Басқа дәрілік препараттармен өзара әрекеттесулері

Құрамында Рингер ерітіндісі немесе Хартман ерітіндісі сияқты кальцийлі ерітінділерді Сертоцеф препаратын сұйылту немесе тұнбаның пайда болуына байланысты вена ішіне енгізу үшін алынған ерітіндіні одан әрі сұйылту үшін қолдануға болмайды. Цефтриаксонның кальций тұнбасы цефтриаксонды және құрамында кальций бар ерітінділерді вена ішіне енгізу үшін бір жүйені қолданған кезде пайда болуы мүмкін. Цефтриаксонды парентеральді Y қосылыс арқылы тамақтандыру сияқты,құрамында кальций бар үздіксіз инфузияларды қоса, құрамында кальций бар венаішілік ерітінділермен бір мезгілде қолдануға болмайды. Алайда, жаңа туған нәрестелерден басқапациенттерде, цефтриаксон мен құрамында кальций бар ерітінділерді бірізділікпен, инфузиялардың жүргізу аралықтарында инфузия жүйелерін үйлесімді ерітіндімен мұқият жуып-шая отырып, бірінен соң бірін енгізуге болады. Ересектердің қан плазмасы мен жаңа туған нәрестелердің кіндік қанының плазмасын пайдалана отырып in vitro зерттеулері жаңа туған нәрестелерде кальций цефтриаксон тұнбасының пайда болу қаупі жоғары екенін көрсетті.

Ішуге арналған антикоагулянттармен бір мезгілде қолдану К дәруменіне қатысты антагонистік әсерді күшейтуі және қан кету қаупін арттыруы мүмкін. Цефтриаксонмен емдеу кезінде және одан кейін тікелей емес антикоагулянттардың дозасын тиісті түзету және халықаралық қалыптасқан қатынас (ХҚҚ) мониторингі қажет.

Цефалоспориндермен бір мезгілде қолдану кезінде аминогликозидтердің нефроуыттылығы ұлғаюы мүмкін екендігі туралы қарама-қайшы деректер бар. Мұндай жағдайларда аминогликозидтер деңгейінің және бүйрек функциясының мониторингі ұсынылады.

In vitro зерттеуінде хлорамфеникол мен цефтриаксон біріктірілімін қолданғанда антагонистік әсерлер байқалды. Осы зерттеудің клиникалық маңыздылығы белгісіз.

Ішке қабылдау кезінде цефтриаксонның және кальцийі бар өнімдердің өзара әрекеттесуі туралы немесе бұлшықетке енгізу кезінде цефтриаксонның және вена ішіне енгізу немесе ішке қабылдау үшін кальцийі бар өнімдердің өзара әрекеттесуі туралы деректер болмады.

Цефтриаксонмен ем қабылдаған пациенттерде, Кумбс тестісі жалған оң нәтижелер көрсетуі мүмкін.

Цефтриаксон, басқа антибиотиктер сияқты, галактоземияғажүргізілген тестілердің жалған оң нәтижелерінің алынуына алып келуі мүмкін.

Бұдан өзге, несептегі глюкозаны анықтаудың ферменттік емес тәсілдері де жалған оң нәтижелер беруі мүмкін, сондықтан, цефтриаксонмен емдеу аясында несептегі глюкозаны анықтауды ферменттік әдіспен жүргізу керек.

Цефтриаксонның жоғары дозалары мен күшті диуретиктерді (мысалы, фуросемидті) бірген қолданғаннан кейін, бүйрек функциясының бұзылуы байқалмаған.

Пробенецидті бір мезгілде қолдану цефтриаксонның шығарылуын төмендетпейді.

Үйлесімсіздігі

Әдебиетте көрсетілген хабарламалар негізінде цефтриаксон амсакринмен, ванкомицинмен,флуконазолмен және аминогликозидтермен үйлеспейді.

Басқа антибиотикті Сертоцеф препаратымен бір мезгілде қолдану жоспарланып отырған кезде препараттар бір шприцте немесе инфузияға арналған бір ерітіндіде жанаспауы тиіс.

Арнайы нұсқаулар

Аса жоғары сезімталдық реакциялары

Бактерияға қарсы барлық бета-лактамдық дәрілерге қатысты жағдайдағы сияқты, күрделі, кейде өлімге соқтыратын аса жоғары сезімталдық реакциялары туралы хабарланды. Аса жоғары сезімталдықтың ауыр реакциялары жағдайларында цефтриаксонмен емдеуді дереу тоқтату және сәйкесінше шұғыл шараларды қолдану керек. Емдеуді бастағанға дейін пациенттің анамнезінде цефтриаксонға, басқацефалоспориндерге немесе кез келген басқа бета-лактамдық дәріге аса жоғары сезімталдықтың ауыр реакциясы болған-болмағандығын анықтап алу керек. Егер цефтриаксон,анамнезінде басқа бета-лактамдық заттарға сезімталдықтың ауыр емес жоғарылауы білінген пациенттерге тағайындалса, сақтық таныту керек.

Тері жағынан елеулі жағымсыз реакциялар туралы хабарланған (Стивенс-Джонсон синдромы немесе Лайелл синдромы/уытты эпидермальды некролиз және цефтриаксонмен емдеуге байланысты өмірге қауіпті немесе өлімге әкелуі мүмкін эозинофилиямен және жүйелік симптомдармен (DRESS) дәрілік реакция); алайда бұл құбылыстардың жиілігі белгісіз.

Тері жағынан елеулі жағымсыз реакциялар туралы хабарланған (Стивенс-Джонсон синдромы немесе Лайелл синдромы/уытты эпидермальды некролиз және цефтриаксонмен емдеуге байланысты өмірге қауіпті немесе өлімге әкелуі мүмкін эозинофилиямен және жүйелік симптомдармен (DRESS) дәрілік реакция); алайда бұл құбылыстардың жиілігі белгісіз.

Яриш-Герксгеймер реакциясы

Спирохетоздары бар кейбір пациенттерде цефтриаксонмен емдеу басталғаннан кейін көп ұзамай Яриш-Герксгеймер реакциясы дамуы мүмкін. Бұл реакцияның пайда болуы, әдетте, өздігінен немесе симптоматикалық емдеуден кейін жоғалады. Мұндай реакция пайда болған жағдайда антибиотиктермен емдеу тоқтатылмауы тиіс.

Құрамында кальций бар өнімдермен өзара әрекеттесуі

Шала туылған және 1 ай мерзімге толмаған жаңа туған нәрестелерде өкпе мен бүйректе цефтриаксон кальций шөгінділерінің пайда болуы себепті өлімге алып келген реакциялар туындаған жағдайлар сипатталды. Бұлардың кемінде біреуіне цефтриаксон мен кальций түрлі уақыттарда және әр түрлі тамшылатқыштарды пайдаланып қолданылған. Жүргізілген ғылыми зертеулерде цефтриаксон мен құрамында кальций бар ерітінділдер, сондай-ақ, құрамында кальций бар кез келген басқа өнімдер қолданылған жаңа туған нәрестелерге қатысты жағдайлардан басқасында, пациенттерде тамырішілік шөгінділері болуының ешбір расталған жағдайлары тіркелмеген. In vitro зерттеулер, жаңа туған нәрестелерде басқа жас топтарымен салыстырғанда,цефтриаксонның шөгу қаупі жоғары екенін көрсетті.

Кез келген жастағы пациенттереде қолданылғанда, тіпті, түрлі инфузиялық жүйелер пайдаланылса да немесе инфузиялар түрлі орындарға жүргізілетінболса да, цефтриаксонды құрамында кальций бар, вена ішіне енгізуге арналған кез келген ерітінділермен араластырмау немесе бір мезгілде қолданбау керек. Алайда 28 күндік мерзімнен асқан пациенттер үшін, цефтриаксон мен құрамында кальций бар ерітінділерді бірізділікпен, шөгінді түзілуін болдырмас үшін, инфузиялық жүйелерді түрлі орындар үшін қолдана отырып, инфузиялық жүйелерді алмастыра отырып және инфузияларды жүргізулер арасында физиологиялық тұзды ерітідімен жуып-шая отырып, бірінен кейін бірін қолдануға болады. Құрамында кальций бар, толықтай парентеральді тамақтандыруға арналған ерітінділерді пайдаланып үздіксіз инфузия жүргізуге мұқтаж пациенттер үшін, мұндай шөгінді түзілуқаупін жоқ, бактерияға қарсы баламалы дәрілік препараттарды пайдалану туралы мәселені қарастыруына болады.

Егер цефтриаксонды үздіксіз тамақтануды қажет етететін пациенттердің қолдануы қажет деп табылса, парентеральді тамақтануға арналған ерітінділер мен цефтриаксонды бір мезгілде қолдануға болады, алайда, түрлі инфузия жүйелері және әр түрлі орындарға пайдаланылуы керек. Цефтриаксонинфузиясы кезінде толықтай парентеральді тамақтануға арналған ерітіндінің инфузиясын уақытша тоқтата тұру баламалы жолын және ерітінділердің инфузиялары арасындаинфузиялық жүйелерді жуып-шаю нұсқасын да пайдалануға болады.

Балаларда қолданылуы

«Дозасы және қолдану тәсілі» бөлімінде Сертоцеф препаратының жаңа туған нәрестелер, сәбилер мен балалар үшін қауіпсіз және тиімді дозалары анықталып берілген. Зерттеулер, цефтриаксонның, кейбір басқа цефалоспориндер сияқты, билирубинді сарысу альбуминінен ығыстырып шығаруы мүмкін екендігін көрсетеді.

Сертоцефті билирубиндік энцефалопатияның даму қаупі бар шала туылған және мерзімі жетіп туылған нәрестелерге қолдануға болмайды.

Иммунитет түрткі болған гемолиздік анемия.

Иммунитет түрткі болған гемолиздік анемия цефалоспориндер класының бактерияға қарсы препараттарын қабылдаған пациенттерде байқалды. Цефтриаксонмен емдеу кезінде ересектер мен балаларда да гемолиздік анемияның ауыр, соның ішінде, өлімге соқтырған жағдайлары тіркелді.

Егер пациентте цефтриаксонды қолдану кезінде анемия дамыса,пациентте цефалоспорин қабылдау аясында оның даму ықтималдығын бағалау керек, ал цефтриаксонды қабылдауды этиологиясы анықталғанға дейін тоқтата тұру керек.

Ұзақ емдеу

Ұзақ емделу кезінде тұрақты қан талдауын жүргізу қажет.

Колит / сезімтал емес микроорганизмдердің шамадан тыс өсуі

Цефтриаксонды қоса алғанда, бактерияға қарсы дәрілерді қолдануға байланысты ауырлығы жеңіл дәрежесінен өмірге қауіп төндіретінге дейін болатын колит және жалғанжарғақшалы колит жағдайлары туралы хабарланған. Сондықтан цефтриаксонды қолдану кезінде немесе кейін пайда болған диареямен ауыратын науқастарды емдеу кезінде осы диагнозды ескеру маңызды. Цефтриаксонмен емдеуді тоқтату және Clostridium difficile тудырған колиттің арнайы емін жүргізу қажет. Перистальтиканы тежейтін дәрілік препараттарды қабылдауға болмайды.

Басқа бактерияға қарсы дәрілерді қолданған жағдайда да цефтриаксинмен емдеу резистентті микроорганизмдердің пайда болуымен суперинфекцияға әкелуі мүмкін.

Бүйрек пен бауырдың ауыр жеткіліксіздігі.

Бүйрек пен бауырдың ауыр жеткіліксіздігі жағдайында, қауіпсіздігі мен тиімділігіне клиникалық бақылау жүргізу ұсынылады.

Серологиялық зерттеулердің нәтижелеріне әсері

Кумбс сынамасының жалған оң нәтижелері болуы мүмкін. Цефтриаксон сондай-ақ галактоземияға зерттеудің жалған оң нәтижелеріне әкелуі мүмкін. Несептегі глюкозаны анықтаудың ферменттік емес әдістері де жалған оң нәтижелерге алып келуі мүмкін. Сертоцеф препаратымен емдеу кезінде несептегі глюкозаны анықтауды ферменттік әдіспен жүргізу керек.

Цефтриаксонды қолдану қандағы глюкоза деңгейіне тест мәнін бұрмалауы (төмендетуі) мүмкін. Тест-жүйелерді қолдану жөніндегі нұсқаулықтың нұсқауларын орындау қажет. Қажет болса,баламалы зерттеу әдістерін пайдалану керек.

Бактерияға қарсы әсер ету ауқымы

Цефтриаксонның бактерияға қарсы әсер ету ауқымы шектеулі және қоздырғышы анықталған жағдайларда болмаса, оны инфекцияның белгілі бір типтерін емдеуде монотерапия ретінде қолдану тиімсіз болуы мүмкін. Болжалды қоздырғыштары қатарына цефтриаксонға төзімді штаммдар кіретін полимикробтық инфекциялар жағдайында, қосымша антибиотиктерді қолдану қажеттілігін қарастыру керек.

Лидокаинді қолдану

Лидокаин ерітіндісі еріткіш ретінде пайдаланылған жағдайда, цефтриаксон ерітінділері тек бұлшықет ішіне енгізу үшін қолданылуы тиіс. Лидокаин ерітіндісін вена ішіне енгізуге болмайды. Лидокаинді 15 жасқа дейінгі балаларға халықаралық патенттелмеген атауы «Цефтриаксон» препараттарға арналған еріткіш ретінде пайдалануға тыйым салынады.

Өт тас ауруы

Ультрадыбыстық зерттеу кезінде қараңғылану пайда болған жағдайда кальций цефтриаксоны преципитаттарының болуы мүмкін екенін ескеру керек. Өт қабындағы тастарға қателесіп қабылданатын қараңғылаулар өт қабының эхограммаларында көбінесе тәулігіне 1 г және одан жоғары құрайтын цефтриаксонның дозаларын қолданғанда анықталады. Балаларды емдеу кезінде ерекше көңіл бөлу керек. Ондай шөгінділер цефтриаксонмен емдеу тоқтатылғаннан кейін жоғалады. Сирек жағдайларда шөгінді түріндегі цефтриаксон кальцийдің болуы симптомдарының пайда болуымен байланысты болған. Симптоматикалық жағдайдарда дағдылы операциясыз ем жүргізу ұсынылады, ал цефтриаксонмен емдеуді тоқтатуды дәрігер, нақты бір пациент үшін қаупі мен пайдасына баға берудің негізінде қарастырылуы тиіс.

Билиарлы стаз

Цефтриаксонмен емдеуден өткен пациенттерде билиарлық обструкцияға байланысты панкреатиттің пайда болу жағдайлары байқалған.Пациенттердің көпшілігіде холестаз қаупінің және билиарлық тұнбаның қалыптасуының факторлары болды, мысалы, алдыңғы негізгі емдеу, ауыр сырқат және толық парентеральді тамақтану. Триггерлік факторды немесе цефтриаксонды қолдану салдарынан өт преципитаттарының пайда болу кофакторын жоққа шығаруға болмайды

Бүйректас ауруы.

Цефтриаксонды қолдану тоқтатылғаннан кейін қайтымды сипатқа ие болған бүйректас ауруы пайда болған жағдайлары тіркелді. Симптомдары болған жағдайда, УДЗ жүргізу керек. Препаратты анамнезінде бүйректас ауруы немесе гиперкальциуриясы бар пациенттерде қолдану туралы шешімді дәрігер, әр нақты пациент үшін пайдасы мен қаупінің арақатынасын бағалаудың негізінде қабылдайды

Жүктілік

Цефтриаксон плацентарлық бөгет арқылы өтеді. Жүкті әйелдерде цефтриаксонды қолдану туралы шектеулі деректер бар. Сертоцеф препаратын жүктілік кезінде (атап айтқанда, жүктіліктің I триместрінде) қолдану ана үшін болжамды пайда шаранаға потенциалды қауіптен асып кеткен жағдайларда ғана мүмкін болады.

Лактация

Цефтриаксон ана сүтіне аз мөлшерде бөлінеді және емдік дозаларда қолданғанда жаңа туған нәрестеге немесе балаға емшек сүтімен қоректендіруде ешқандай әсер етпейді. Алайда, диарея және шырышты қабықтардың зеңдік зақымдану қаупін жоққа шығаруға болмайды. Сенсибилизация мүмкіндігін ескеру керек. Бала үшін емізудің артықшылығын және ана үшін емнің пайдасын назарға ала отырып, бала емізуді тоқтату немесе цефтриаксонмен емдеуді тоқтату/емнен бас тарту қажет.

Натрий

Сертоцеф препаратының әр грамында 3,6 ммоль натрий бар, мұны натрий тұтынылуы бақыланатын диета ұстап жүрген пациенттерді емдеу кезінде ескеру керек.

Қолдану жөніндегі ұсынымдар

  • лидокаинді халықаралық патенттелмеген атауы «Цефтриаксон» бар препарат үшін еріткіш ретінде 15 жасқа дейінгі балаларда қолдануға тыйым салынады.
  • Цефтриаксон ерітіндісін вена ішіне енгізу мүмкін болмаған немесе бұлшықет ішіне енгізу жолы пациент үшін қолайлы болған жағдайларда бұлшықет ішіне енгізу керек
  • бұлшықет ішіне енгізуді ірі бұлшықетке жүзеге асыру керек, бір бұлшықетке 1 г-дан асырмай енгізу керек
  • 2 г-дан асатын дозалар үшін вена ішіне енгізу тәсілін қолдану керек.
  • лидокаинді еріткіш ретінде пайдаланған кезде алынған цефтриаксон ерітіндісін вена ішіне енгізу үшін қолдануға болмайды!
  • 15 жастан асқан адамдарда лидокаинді еріткіш ретінде пайдаланған кезде лидокаинге тері ішілік аллергиялық сынама жүргізу ұсынылады.
  • лидокаинді еріткіш ретінде пайдаланған кезде ерітіндіні енгізер алдындапациентте лидокаинді қолдануға қарсы көрсетілімдер (лидокаинді қолдану жөніндегі нұсқаулықты қараңыз) бар-жоғын анықтау керек, сондай-ақанамнезіндегі лидокаинге аллергиялық реакцияларды ескеру керек.

Дозалау режимі

Доза инфекцияның ауырлық дәрежесіне, сезімталдығына, орны мен түріне, сондай-ақ пациенттің жасына және бауыр мен бүйрек функциясына байланысты.

Келесі кестелерде ұсынылатын дозалар осы көрсеткіштер кезінде ұсынылатын жалпы дозалар болып табылады. Аса ауыр жағдайларда ұсынылған диапазоннан ең жоғары дозаларды қолдану мүмкіндігін қарастыру керек.