Аджисепт со вкусом меда и лимона № 24 леденцы
Тауарлардың көрінісі фотосуретте көрсетілгеннен өзгеше болуы мүмкін

Аджисепт со вкусом меда и лимона № 24 леденцы

1043
Қолжетімділігі
Сатылымда бар
Үлгі
8901043000465
Елі
Индия
Өндіруші
Аджио Фармацевтикалз Лтд
  • Сипаттама
  • Дәріханалар

Сипаттама

Дәрілік затты медициналық қолдану

жөніндегі нұсқаулық

Аджисепт® бал және лимон қосылған

Саудалық атауы

Аджисепт® бал және лимон қосылған

Халықаралық патенттелмеген атауы

Жоқ

Дәрілік түрі

Соруға арналған пастилкалар

Құрамы

Бір пастилканың құрамында

белсенді заттар:

2,4-дихлорбензил спирті…….1,20 мг

амилметакрезол……………....0,60 мг,

қосымша заттар: қант, сұйық глюкоза, сусыз лимон қышқылы, ментол, карамель бояғышы (Е150с), бал хош иістендіргіші, лимон майы, тазартылған су.

Сипаттамасы

Лимон иісі бар бозғылт-сары түсті екі беті дөңес, дөңгелек пастилкалар; карамель массасының ішінде елеусіз ауа көпіршіктерінің болуына, бояуы біртекті емес және жиектерінің тегіс болмауына жол беріледі.

Фармакотерапиялық тобы

Респираторлық жүйе. Тамақ ауруларын емдеуге арналған препараттар. Антисептиктер. Басқа да препараттар.

АТХ коды R02АА20

Фармакологиялық қасиеттері

Фармакокинетикасы

Жүйелік сіңірілуі төмен болғандықтан фармакокинетикасы туралы деректер жоқ.

Фармакодинамикасы

Ауыз қуысында және жұтқыншақта жергілікті пайдалануға арналған біріктірілген антисептикалық препарат. Препараттың белсенді компоненттері жергілікті антисептикалық әсер туғызады. Препаратжоғарғы тыныс алу жолдарының тітіркену симптомдарын басады, шырышты қабыққа деконгестивті әсер етеді, мұрынның бітуін азайтады, тамақтың тітіркенуі мен ауыруын жеңілдетеді.

Әсер ету механизмі микроб жасушалары ақуыздарының коагуляциясымен, сондай-ақ жасуша жарғақшалары липидтерімен өзара әрекеттесуімен байланысты, бұл қоздырғыштарға қарсы тиімділігін анықтайды. Грамоң және грамтеріс микроорганизмдердің кең ауқымына қатысты белсенді, сондай-ақ антимикоздық әсері бар

Қолданылуы

Кешендi ем құрамында:

- ауыз қуысының және жұтқыншақтың инфекциялы-қабынбалы ауруларында

Қолдану тәсілдері және дозалары

Ересектерге: әрбір 2 сағат сайын 1 пастилкадан. Ең жоғарғы тәуліктік доза – 8 пастилка.

12 жастан асқан балаларға әрбір 4 сағат сайын 1 пастилкадан

Емдеу курсы 7 күннен аспауы тиіс.

Пастилкаларды толық ерігенше сору керек.

Жағымсыз әсерлері

Сирек: аллергиялық реакциялар.

Қолдануға болмайтын жағдайлар

- препарат компоненттеріне жоғары сезімталдық

- 18 жасқа дейінгі балаларға

- тұқым қуалайтын фруктозаны көтере алмайтын немесе глюкоза-галактоза мальабсорбциясы бар тұлғаларға

Дәрілермен өзара әрекеттесуі

Аджисепт® бал және лимон қосылған препаратының басқа топтағы дәрілік препараттармен клиникалық елеулі өзара әрекеттесуіанықталмаған.

Айрықша нұсқаулар

Қант диабеті бар пациенттер Аджисепт® бал және лимон қосылған препаратын қабылдау кезінде әрбір пастилканың құрамында қант бар екенін ескерулері керек.

Бір немесе бірнеше қабылдауды өткізіп алған жағдайда дозаны арттыруға болмайды.

Жүктілік және лактация кезеңі

Құрамында амилметакрезол және дихлорбензил спирті бар пастилканы қолдану қауіпсіздігі жөнінде деректер жүктілік және емшек емізу кезеңінде болмаған.

Дәрілік препараттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері

Препарат автомобиль жүргізу және техникамен жұмыс жасау қабілетіне әсер етпейді.

Артық дозалануы

Жүйелік сіңірілуі төмен болғандықтан артық дозалану ықтималдығы аз.

Шығарылу түрі және қаптамасы

6 пастилкадан алюминий фольгадан жасалған пішінді ұяшықсыз қаптамада.

4 пішінді қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салады

Сақтау шарттары

Құрғақ, жарықтан қорғалған жерде, 25 оС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші

«Аджио Фармацевтикалз Лтд.», Үндістан

A-38, Нандижиот Индастриал Эстайт, Сафедпул, Курла-Андхери Роад, Мумбай- 400 072

Тел: +91-22-28518206/ 42319000

Факс: +91-22-28518204

regulatory@agio-pharma.com

Тіркеу куәлігінің иесі

«Аджио Фармацевтикалз Лтд.», Мумбай, Үндістан

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын ұйымның атауы, мекенжайы және байланыс деректері (телефон, факс, электронды пошта)

Аджио Фармацевтикалз Лимитед өкілдігі

Алматы қ-сы, Достық даңғылы,43-үй,414-кеңсе

тел: +7(727)3390105 regulatory@agio-pharma.com

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«ConsultAsia» ЖШС

Шевченко к-сі, 165Б

050061, Алматы, Қазақстан,

тел.: +7705-1708825/+7777-8051116

Дәріханалар

Тауар артығымен бар
Тауар аз қалды
Аптека №257 Тараз (ТЦ Март)
Республика Казахстан, г. Тараз, ул. Толе би, дом № 27
9:00-23:00
Аптека №155
г.Тараз мкр.Алатау дом 11А
Круглосуточно
Аптека №232 (ПТ)
г. Тараз, ул. Т. Рыскулова, 5 у
09:00-23:00
Аптека №264 (ПТ)
г. Тараз, ул. Тауке хана, дом 1д
09:00-23:00
Аптека №244
г. Тараз, ул. Жибек жолы, 11а
09:00-22:00