Сипаттама
Дәрілік затты медициналық қолдану
жөніндегі нұсқаулық
АЛЛОХОЛ
Саудалық атауы
Аллохол
Халықаралық патенттелмеген атауы
Жоқ
Дәрілік түрі
Қабықпен қапталған таблеткалар
Құрамы
Бір таблетканың құрамында
белсенді заттар -құрғақ затқа шаққанда қоюланған өт немесе құрғақ өт - 0,080 г, кептірілген сарымсақ - 0,040 г, қалақай жапырақтары - 0,005 г, белсендірілген көмір - 0,025 г;
қосымша заттар: магний тотығы, картоп крахмалы, тальк, аэросил (кремнийдің коллоидты қостотығы), кальций стеараты;
қабығының құрамы: сахароза, магний гидроксикарбонаты (магнийдің негізгі карбонаты), аэросил (кремнийдің коллоидты қостотығы), титанның қостотығы (титанның қостотығы), повидон (төмен молекулалы медициналық поливинилпирролидон 12600±2700), тальк, араның балауызы.
Сипаттамасы
Жеңіл спецификалық иісі бар, ақ түсті қабықпен қапталған таблеткалар. Көлденең қимасынан екі қабат көрінеді, ішкі қабаты теңбілдері бар қара түсті.
Фармакотерапиялық тобы
Бауыр және өт шығару жолдарының ауруларын емдеуге арналған препараттар.
Өт қалтасының ауруларын емдеуге арналған препараттар.
Өт шығару жолдары ауруларын емдеуге арналған басқа препараттар.
АТХ коды А05АХ
Фармакологиялық қасиеттері
Өт пен өт қышқылдарының түзілуін күшейтетін біріктірілген дәрі.
Қоюланған өттің әсері бауыр паренхимасының секреторлық функциясына рефлекторлық ықпалына негізделген. Қоюланған өт асқазан-ішек жолының сөл бөлу және қозғалу қызметін де күшейтеді.
Сарымсақ құрамындағы заттар асқазан-ішек жолының секреторлық және моторлық қызметін күшейтеді, өт сөлінісін көтермелейді.
Қалақай жапырақтарының өт айдайтын және қабынуға қарсы әсерлері бар. Белсенділендірілген көмір асқазан-ішек жолында уытты заттарды байланыстыратын адсорбент болып табылады.
Қолданылуы
Кешенді ем құрамында:
- созылмалы реактивті гепатит
- холангит
- тассыз (калькулездік емес) холецистит
- өт шығару жолдарының және/немесе өт қабының дискинезиясы
- ішек атониясынан болған іш қатуы
Қолдану тәсілі және дозалары
Тамақтан кейін ішке қабылдайды. Ересектер мен 12 жастан асқан балалар – 1-2 таблеткадан тәулігіне 3-4 рет. Емдеу курсы – 3-4 апта. Ауру өршігенде (созылмалы реактивті гепатит, холангит, тассыз (калькулездік емес) холецистит, өт шығару жолдарының және/немесе өт қабының дискинезиясы) 1 таблеткадан тәулігіне 2-3 рет, 1-2 ай бойы қабылдайды.
Қайталау курстарын 3 ай аралықпен жүргізеді.
Препаратты балаларда қолданар алдында дәрігермен кеңесу қажет.
Жағымсыз әсерлері
- аллергиялықреакциялар
- диарея
Бұлар пайда болса, препаратты қабылдауды тоқтату және дәрігерге қаралу керек.
Қолдануға болмайтын жағдайлар
- препараттың кез келген компонентіне аса жоғары сезімталдық
- калькулезді холецистит
- обтурациялық сарғаю
- жедел гепатит
- бауырдың жедел және жеделге жуық дистрофиясы
- асқазан мен он екі елі ішектің ойық жаралы ауруының өршу сатысы
- жедел панкреатит
- 12 жасқа дейінгі балалар
Дәрілермен өзара әрекеттесуі
Құрамында алюминий гидроксиді, колестирамин, колестипол бар препараттар дәрінің сіңірілуін төмендетеді және тиімділігін азайтады. Олармен бір мезгілде қабылдау мақсатқа сай емес.
Айрықша нұсқаулар
Жүктілік және лактация кезеңі
Препаратты жүктілік және лактация кезеңінде ана үшін болжамды пайдасы шарана мен балаға төнетін қауіптен асып түсетін жағдайда ғана қолданады.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Препаратты қолдану автокөлікті басқаруға және жоғары зейін қою мен психомоторлық реакциялар жылдамдығын талап ететін қауіптілігі зор қызмет түрлерімен айналысуға жағымсыз әсер етпейді.
Артық дозалануы
Диарея, жүрек айнуы, қыжыл, терінің қышынуы, қандағы трансаминазалар белсенділігінің артуы болуы мүмкін.
Шығарылу түрі және қаптамасы
Қабықпен қапталған таблеткалар
10 таблеткадан поливинилхлоридті үлбірден және баспалы лакталған алюминий фольгадан немесе полиэтиленді жабынды қағаздан жасалған пішінді ұяшықты қаптамада.
5 пішінді ұяшықты қаптамадан медициналық қолдану жөніндегі мемлекеттік және орыс тіліндегі нұсқаулықтармен бірге картоннан қорапшаға салынады.
Сақтау шарттары
250С-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
4 жыл
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецептісіз
Өндіруші
«Биосинтез» ЖАҚ, Ресей.
440033, Пенза қ-сы, Дружба к-сі, 4, тел./факс: (8412) 57-72-49,
e-mail: certificate@biosintez.com
Тіркеу куәлігінің ұстаушысы
«Биосинтез» ЖАҚ, Ресей, Пенза қ.
Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, заңды мекенжайы және байланыс деректері
Қазақстан Республикасындағы «Сан Фармасьютикал Индастриез Лимитед компаниясының» өкілдігі
050008, Қазақстан Республикасы, Алматы қ., Манас к-сі, 32 «А», «SAT» Бизнес Орталығы, 6 қабат, 602 кеңсе, тел. +7 (701) 991-19-56, 8-800-080-52-02,
e-mail: Pharmacovigilance.kz@sunpharma.com
