Чистая слеза для линз 100 мл раствор
Тауарлардың көрінісі фотосуретте көрсетілгеннен өзгеше болуы мүмкін

Чистая слеза для линз 100 мл раствор

1692
Қолжетімділігі
Сатылымда бар
Үлгі
4870201590534
Елі
Казахстан
Өндіруші
Медоптик ТОО
  • Сипаттама
  • Дәріханалар

Сипаттама

Медициналық бұйымды медицинада қолдану жөніндегі нұсқаулық

Медициналық бұйымның атауы

Көп мақсатта қолданылатын «Чистая слеза» линзаға арналған 100 мл ерітінді

Медициналық бұйымның құрамы мен сипаттамасы

Құрамы: полигексанид 0,0002%; поливинилпирролидон 0,5%; динатрий эдетаты (Трилон Б), бор қышқылы, натрий тетрабораты, натрий хлориді және тазартылған су.

Көп мақсатта қолданылатын «Чистая слеза» ерітіндісі тазартады, шаяды, зарарсыздандырады және сізге бірнеше минут ішінде жанаспалы линзаларыңызды тазартуға және зарарсыздауға мүмкіндік береді, линзаларыңыздың жаңаруы мен тазалығын қамтамасыз етеді.

Жұмсақ линзалардың кез келген типін тазартуға, шаюға, дезинфекциялауға және сақтауға арналған, линзаларда біркелкі, ұзақ уақыт бойы сақтайтын үлбір түзеді, бұл жанаспалы линзаларды күні бойы тағу кезінде көздің құрғауы мен тітіркенуінен сақтайды. Линзаның беткейінде қалып қоймайды.

Бұл түссіз, мөлдір немесе аздап бозаңданатын сұйықтық болып табылады. Медициналық бұйым СТ29772-1910-ЖШС-04-2009 сәйкес өндірілген.

Қолданылу саласы

Офтальмология

Медициналық бұйымды пайдалану кезіндегі сақтық (қауіпсіздік) шаралары және шектеулер бойынша ақпарат

Бұйымды пайдаланар алдында қолдану жөніндегі нұсқаулықты мұқият оқып шығыңыз.

Ерітіндіні қолданар алдында маманмен кеңесіңіз.

Көздің тоқтаусыз тітіркенуі жағдайында, ерітіндіні пайдалануды тоқтатыңыз, линзаны көзден алып тастаңыз және маманға хабарласыңыз.

Құтыны ашқаннан кейін 3 ай өткен соң ерітіндіні пайдаланбаңыз.

Ерітіндіні балалардың қолы жетпейтін жерде сақтаңыз.

Құтының ұштығын кез келген беткейлерге тиюіне жол бермеңіз. Әр пайдаланғаннан кейін ерітінді құтысының қақпағын мықтап жабыңыз. Жанаспалы линзаларды немесе жанаспалы линзаларды сақтауға арналған контейнерді ағынды суда шаймаңыз.

Қаптамада көрсетілген жарамдылық мерзімі өткеннен кейін ерітіндіні пайдаланбаңыз.

Қолдануға болмайтын жағдайлар

Егер құрамындағы компоненттердің біреуіне сізде аллергия боса, онда ерітіндіні қолданбаңыз.

Линзаларды қолдану жөніндегі нұсқаулықта көрсетілгеннен ұзағырақ тақпаңыз. Зақымдалған немесе кеуіп қалған линзаларды тастаңыз. Егер сіз жанаспалы линзаларды тағатын болсаңыз онда аэрозольдарды қолданбауға тырысыңыз.

Көз тітіркенген кезде жанаспалы линзаны шешіңіз және маманға көрініңіз.

Құтыны ашқан күннен бастап 90 күн өткен соң, одан ерітіндінің қалғанын төгіп тастаңыз.

Медициналық бұйымды сақтау мерзімі және шарттары туралы ақпарат

3 жыл. Тұтынушы қаптамасын ашқаннан кейін 3 ай.

Бөлме температурасында балалардың қолы жетпейтін жерде сақтау керек.

Жарамдылық мерзімі өткеннен кейін қолдануға болмайды. Жарамдылық мерзімінің аяқталу күні қаптамасында көрсетілген.

Медициналық бұйымды пайдалану (күтіп ұстау) кезінде қажет қосымша ақпарат

Қаптаманың тұмшаланып жабылғаны бұзылмағанына көз жеткізіңіз. Қолды жақсылап жуыңыз.

Құтыны ашу үшін, сақина бөлінгенше қақпақты толығымен бұрау керек, бұл құты бұрын ашылмағандығын білдіреді.

Тазалау: көп мақсатта қолданылатын «Чистая слеза» линзаға арналған ерітіндісінің бірнеше тамшысын линзаның екі жақ бетіне тамызыңыз және айтарлықтай күш жұмсамай, екі жақ бетін ортасынан бастап линзаның шетіне қарай бағыттап 10 секундтай сүртіңіз.

Ешқашан линзаны шеңбер қимылмен сүртпеңіз. Бір жағынан, бұл тәсіл линзаның тез тозуына әкелуі мүмкін, екінші жағынан, оның сыртқы жиегін тазартуға мүмкіндік бермейді.

Шаю: Барлық шөгінділердің қалдықтарын кетіру үшін, линзаның екі жағын көп мақсатта қолданылатын «Чистая слеза» жанаспалы линзаға арналған ерітіндісімен 5 секунд немесе одан да көп уақыт ішінде линзаның әр жақ бетін жақсылап шайыңыз.

Зарарсыздандыру: Линзаларды линзаларға арналған контейнердің тиісті бөліктеріне салыңыз. Көп мақсатта қолданылатын «Чистая слеза» жанаспалы линзаларға арналған ерітіндінің жаңа ерітіндісімен екі бөлікті де толтырыңыз.

Контейнердің қақпағын жабыңыз. Ерітіндіде линзаларды 6 сағаттан кем емес уаақытқа қалдырыңыз. Осыдан кейін линзалар қолануға дайын болады. Контейнерді ерітіндімен шайып, төңкерілген күйде кептіріңіз.

Ерітінді стерильді бактерияға қарсы жарғақшалық сүзгі арқылы сүзгілеу әдісімен және стерильді құтыларға асептикалық құю әдісімен стерилизацияланған.

Бастапқы қаптама, оның барлық жиынтықтаушыларын қоса радиациямен стерилизацияланады.

Медициналық бұйымды өндіруші және оның уәкілетті өкілі туралы мәліметтер

«Медоптик» ЖШС, Қазақстан Республикасы, Алматы қ., Огарев к-сі, 2 «б» үй.

тел: 2320824, факс: 3832202, Е-mail: medoptic@ medoptic.kz

Қазақстан Республикасы аумағында өндірушінің уәкілетті өкілінің, тұтынушылардан медициналық бұйым жөніндегі шағымдарды (ұсыныстарды) қабылдайтын және медициналық бұйымның тіркеуден кейінгі қауіпсіздігін қадағалауға жауапты ұйымның атауы және байланыс деректері (телефон, факс, электронды пошта)

«Медоптик» ЖШС, Қазақстан Республикасы, Алматы қ., Огарев к-сі, 2 «б» үй.

тел: 2320824, факс: 3832202, Е-mail: medoptic@ medoptic.kz

Медицинада қолдану жөніндегі нұсқаулықты шығару немесе соңғы қайта қарау туралы деректер

22.05.2020 ж.

Дәріханалар

Тауар артығымен бар
Тауар аз қалды
Аптека №257 Тараз (ТЦ Март)
Республика Казахстан, г. Тараз, ул. Толе би, дом № 27
9:00-23:00
Аптека №232 (ПТ)
г. Тараз, ул. Т. Рыскулова, 5 у
09:00-23:00
Аптека №155
г.Тараз мкр.Алатау дом 11А
Круглосуточно
Аптека №236 (ПТ)
г. Тараз, массив Арай, ул. Баянова, здание 155
10/00-23/00