Инфлюцид № 60 табл

Сипаттама

Дәрілік затты медициналық қолдану

жөніндегі нұсқаулық

Инфлюцид

Саудалық атауы

Инфлюцид

Халықаралық патенттелмеген атауы

Жоқ

Дәрілік түрі

Таблеткалар

Құрамы

Бір таблетканың құрамында

Белсенді заттар: Aconitum trit. D3 25 мг, Gelsemium trit. D3 25 мг, Ipecacuanha trit. D3 25 мг, Phosphorus trit. D5 25 мг, Bryonia trit. D2 25 мг, Eupatorium perfoliatum trit. D1 25 мг,

қосымша заттар: лактоза моногидраты, магний стеараты, бидай крахмалы.

Сипаттамасы

Ойығы бар жайпақ цилиндр пішінді ақ немесе ақ дерлік түсті таблеткалар. Аздап теңбілденуі мүмкін.

Фармакотерапиялық тобы

Басқа да препараттар. Басқа емдік препараттар, барлығы. Басқа дәрілік препараттар.

АТХ коды V03АХ

Фармакологиялық қасиеттері

Фармакокинетикасы

Зерттелмеген

Фармакодинамикасы

Фармакодинамика зерттелмеген. Гомеопатиялық емнің ауруларды түсіну және дәрілік заттарды пайдалану жағынан дәстүрлі медицинадан елеулі айырмашылығы бар. Гомеопатиялық препараттар организмнің дербес қорғаныш механизмдерін көтермелейді және сонысымен өздігінен сауығу қабілетін белсендіреді. Организмнің гомеопатиялық дәріге жауап реакциясы өте жеке дара. Осы себептерге байланысты дозаға тәуелді фармакологиялық сипаттамаларын, фармакодинамикалық немесе фармакокинетикалық деректерді анықтау мүмкін емес.

Инфлюцидтің құрамында алты гомеопатиялық компонент бар, олардың әрқайсысы қызба инфекциясының симптомдарына, тұмау сияқты және басқа да жоғарғы тыныс алу жолдарының вирустық инфекциясына белгілі бір әсер етеді.

Aconitum napellus шөлдеумен және тыныштықтың жоқтығымен, құрғақ қызумен, қалтыраумен жүретін жоғарғы температураның кенеттен пайда болу жағдайларында тиімді. Жедел қабынулардың алғашқы кезеңдерін, суық тигенде және жалпы тұмауды емдеуге арналған.

Bryonia организмнің барлық серозды қабықшаларына әсер етеді және тыныс алу ағзаларының жедел және созылмалы қабынуларында қолданылады. Бұл құрғақ, қатты жөтелді және ауырсынуды жеңілдетеді.

Eupatorium perfoliatum жоғарғы температурада, қалтырауда, қиналған жөтелде, бас ауыруында, сонымен қатар бұлшықеттердегі және сүйектердегі ауыруларда пайдаланылады.

Gelsemium әсіресе бас ауыруында және шаршағанда тиімді.

Ipecacuanha бронхит немесе көкжөтел сияқты тыныс алу жолдарының сырқаттарына әсер етеді.

Phosphorus әлсіздік пен жүдеу сезімімен жүретін жағдайларда үлкен әсер етеді. Сауығып кету кезіңінің бұзылуымен жүретін қайталанатын респираторлық инфекцияларда пайдалануы мүмкін.

Инфлюцид, өзінің спецификалық ингредиенттерінің біріктірілімімен, жоғарғы тыныс алу жолдарының вирустық инфекцияларының симптомдарының әр-түрлі ауқымын, тұмау тәрізді қызба инфекция жағдайларындағы өте жедел бастамадан, қайталанатын суық тию ауруларынының жай өрбитін, бірақ қанағаттанарлық жағдайына дейін қамтиды.

Қолданылуы

Тұмау және жоғарғы тыныс жолдары жедел респираторлы вирустық инфекцияларының профилактикасында және емдеуде

Қолдану тәсілі және дозалары

Өзге нұсқамалар болмағанда Инфлюцид төмендегідей қолданылады:

жедел жағдайларда: 1-ден 12 жасқа дейінгі балалар жақсаруы басталғанша 1 таблеткадан (бірақ күніне 8 таблеткадан асырмай) әрбір екі сағат сайын; одан әрі –1 таблеткадан күніне 3 рет қабылдайды.

Ересектер мен 12 жастан асқан балалар жақсаруы басталғанша 1 таблеткадан (бірақ күніне 12 таблеткадан асырмай) әрбір сағат сайын; одан әрі –1-2 таблеткадан күніне 3 рет қабылдайды.

Емдеу ұзақтығы – 7-10 күн (симптомдар толық жоғалғанға дейін).

Дененің жоғары температурасы сақталған кезде немесе ол 39°С-ден жоғары болғанда, не болмаса аурушаңдық күйі сақталғанда немесе нашарлай бастаса, онда басқа тиісті ем тағайындау керек.

Ересектер мен 12 жастан асқан балаларда инфекцияның профилактикасы үшін күніне 1-2 таблеткадан 3 рет; ал 1-ден 12 жасқа дейінгі балаларға –1 таблеткадан күніне 3 рет тағайындайды; профилактикалық емдеуді айналасындағы адамдар арасында инфекцияның алғашқы жағдайы болған кезде бастайды.

ЖРВИ немесе тұмаумен ауыратын науқастармен қарым-қатынастан кейін қолдану ұзақтығы – 7 күн.

Таблетканың ауызда баяу еруіне мүмкіндік бере отырып, тамақтанудан жарты сағат бұрын немесе жарты сағаттан кейін қабылдау керек; 3 жасқа дейінгі балаларды емдегенде таблетканы судың аздаған мөлшерінде еріту ұсынылады.

Жағымсыз әсерлері

Өте сирек

- тері бөртулері немесе асқазан-ішек бұзылыстары. Мұндай жағдайда Инфлюцид қабылдауды тоқтатып, дәрігерге қаралған жөн.

Қолдануға болмайтын жағдайлар

- мысалы, Eupatorium perfoliatum (шілтер жапырақты иткендір) немесе дәстүргүл тұқымдастардың басқа түрлері (asteraceae/ compositae) секілді препарат ингредиенттерінің кез келгеніне белгілі аса жоғары сезімталдық

Дәрілермен өзара әрекеттесуі

Анықталмаған.

Егер сіз таяуда басқа да дәрі-дәрмекті, оның ішінде рецептісіз алуға болатындарын, қабылдап жүрсеңіз немесе таяуда қабылдаған болсаңыз, дәрігерді немесе фармацевті хабардар еткеніңіз дұрыс.

Гомеопатиялық дәрілік заттардың әсері өмір сүру салтына қатысты күшті әсер ететін препараттар, алкоголь ішу және темекі шегу сияқты жалпы жағымсыз факторлардың ықпал етуінен төмендеуі мүмкін.

Айрықша нұсқаулар

Дәрігер төмендегі жағдайларда міндетті түрде емдеуді бағалауы керек:

- егер жағдайы жақсармаса немесе нашарласа

- егер қосымша шағымдар пайда болса

- егер температура 39°С тұрақтап қалса немесе одан жоғарыласа

Симптомдар тұрақты, түсініксіз немесе қайтадан пайда болса, дәрігерден кеңес алу керек. Әсіресе бұл жоғары температураның, жұтқыншақтағы жағымсыз сезінулердің (фарингит), қатты бас ауыруларының, буындардың, бұлшықеттер мен сегізкөздің ауыруының, невралгияның, сондай-ақ жалпы ауыр дімкәстікті сезінудің кенеттен пайда болуына қатысты.

Мұндай жағдайда міндетті түрде дәрігерге көріну керек.

Препарат глютендік ауруымен науқастарды емдеу үшін жарамды, бірақ оны бидайға аллергиясы бар (глютендік аурудан айырмашылығы бар) науқастар қабылдауға болмайды.

Кейбір қанттар жақпаушылығы кезінде, аталмыш дәріні қабылдауды бастамас бұрын, дәрігермен кеңесу керек.

Препаратты тұқым қуалайтын лактоза көтере алмаушылығы, Lapp-лактаза ферменті тапшылығы, глюкоза-галактоза мальабсорбциясы кезінде қабылдауға болмайды.

Гомеопатиялық дәрілік заттарды қабылдау кезінде ауру симптомдарының өтпелі күшеюі мүмкін (алғашқы нашарлауда); мұндай жағдайда препарат қабылдауды тоқтатып, дәрігермен кеңесу керек.

Педиатрияда қолданылуы

Инфлюцид препаратын аталған жас тобында қолдану жеткілікті зерттелмегендіктен 1 жасқа дейінгі балаларды емдеуге қолдануға болмайды.

Жүктілік және лактация кезеңі

Жүктілік және лактация кезеңінде ана үшін күтілетін пайдасы мен шаранаға/балаға төнетін ықтимал қаупі арасындағы арақатынасты мұқият бағалауымен дәрігердің кеңесінен кейін ғана Инфлюцид препаратын қолдануға болады.

Дәрілік препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Әсер етпейді.

Артық дозалануы

Анықталмаған

Шығарылу түрі және қаптамасы

20 таблеткадан ПВХ/ПВДХ үлбірден және баспалы лакталған алюминий фольгадан жасалған пішінді ұяшықты қаптамада. 3 пішінді қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

Сақтау шарттары

25°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

5 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші және Тіркеу куәлігінің ұстаушысы

Дойче Хомеопати-Унион ДХУ-Арцнаймиттель ГмбХ & Ко. КГ

Оттоштрассе 24, 76227 Карлсруэ, Германия.

Қаптаушы-кәсіпорын

Др. Вильмар Швабе ГмбХ & Ко. КГ.

Эксклюзивті өкілі

Альпен Фарма АГ

Берн, Швейцария

Қазақстан Республикасы аумағында тұтынушылардан дәрілік заттың сапасына қатысты шағымдарды қабылдайтын ұйымның атауы, мекенжайы және байланыс деректері (телефон, факс, электрондық пошта)

«Альпен Фарма» ЖШҚ, Қазақстан Республикасы,

Алматы обл., Қарасай ауданы, Елтай ауылдық округы,

Көкөзек ауылы, 1044 құрылыс

Тел./факс + 7 727 232-34-73,

+ 7 727 232-34-74

E-mail: info.kazakhstan@alpenpharma.com

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта)

«Альпен Фарма» ЖШҚ, Қазақстан Республикасы,

Алматы обл., Қарасай ауданы, Елтай ауылдық округы,

Көкөзек ауылы, 1044 құрылыс

Моб. +7 701 035 70 69.

E-mail: pv.kz@alpenpharma.com

Дәріханалар

Қалалар