Сипаттама
Дәрілік затты медициналық қолдану
жөніндегі нұсқаулық
ЛИЗАК®
Саудалық атауы
Лизак®
Халықаралық патенттелмеген атауы
Жоқ
Дәрілік түрі
Шоколад дәмі бар соруға арналған таблеткалар
Құрамы
1 таблетканың құрамында:
белсенді заттар - лизоцим гидрохлориді құрғақ затқа шаққанда - 10 мг, деквалиний хлориді 100 % құрғақ затқа шаққанда - 0,25 мг;
қосымша заттар: декстроза моногидраты ST, повидон, магний стеараты, дәмдік қоспалар: какао ұнтағы, шоколад.
Сипаттамасы
Жалпақ беткейлі, сызығы мен ойығы бар, какао дәмімен, теңбілдермен, сұрдан қоңыр түске дейінгі таблеткалар. Таблетка беткейінің мәрмәрлануына жол беріледі.
Фармакотерапиялық тобы
Респираторлық жүйе. Тамақ ауруларын емдеуге арналған препараттар. Антисептиктер. Басқа да препараттар
АТХ коды R02АА20
Фармакологиялыққасиеттері
Фармакокинетикасы
Деквалиний хлориді өте елеусіз мөлшерде сіңіріледі. Лизоцим асқазан-ішек жолынан жақсы сіңеді. Қандағы концентрация шыңына 1-1,5 сағаттан соң жетеді. Лизоцим организм тіндеріне кең таралады, әсіресе шырышты қабықта жиналады. Ішек ферменттерімен гидролизденеді, метаболиттер түрінде несеппен шығарылады.
Фармакодинамикасы
Лизак® – жергілікті антисептикалық, бактерияға қарсы және зеңге қарсы әсері айқын біріктірілген препарат. Препараттың емдік әсері оның құрамына кіретін компоненттерге байланысты.
Деквалиний хлориді – квинолиндер тобының жергілікті антисептигі, антисептикалық әсерге ие - көбіне жергілікті; бактерияға қарсы әсері – негізінен грамоң және грамтеріс микроорганизмдерге қатысты; зеңге қарсы әсері - негізінен Candida albicans, Trychophyton кейбір түрлеріне және эпидермофиттерге қарсы білінеді.
Бактерицидтік әсері еріту және деполимеризациялау жолымен қоздырғыштың ақуыздары менферменттерін денатурациялауға, сондай-ақ гликолизбен және дегидрогеназдар белсенділігін жоюға; рибосомалар деңгейінде ақуыздар синтезін бұзуға; жасушалық жарғақшаның цитолизіне негізделген. Бактериостатикалық әсерінің негізінде беткейлік белсенді катионды әсері бар, ол грамтеріс микроорганизмдерге қарағанда грамоңдарға қатысты күштірек білінеді.
Лизоцим – бұл мукополисахарид, жасушалық қабырғалардың ерімейтін полисахаридтерінің еритін мукопептидтерге айналуы салдарларынан грамоң бактерияларға қатысты тиімді. Ол сондай-ақ грамтеріс бактерияларға, вирустарға және зеңдерге қатысты тиімді.
Лизоцим жергілікті қабынуға қарсы әсер етеді және организмнің арнайы емес қорғанысын арттырады.
Қолданылуы
- препаратқа сезімтал қоздырғыштар туындатқан ауыз қуысы мен тамақтың қабыну үдерістерін жергіліктіантисептикалық емдеуде (катаральді, ойық жаралы, фиброзды гингивиттер; афтозды стоматиттер; ауыз қуысы мен жұтқыншақ кандидозы; фарингиттер; тонзиллиттер; ларингиттер және глосситтер)
- ауыз қуысы мен тамаққа операциялық араласымға дейінгі және кейінгі инфекциялар профилактикасында
Қолдану тәсілі және дозалары
Ересектер мен 12 жастан асқан балаларға ұсынылатын доза.
Соруға арналған 1 таблеткадан әр 2-3 сағат сайын (тәулігіне 10 таблеткадан көп емес) қолданылады. Қабыну симптомдары азайған соң – 1 таблеткадан әр4 сағат сайын.
4-тен 12 жасқа дейінгі балаларға ұсынылатын доза.
Соруға арналған 1 таблеткадан әр 3 сағат сайын (тәулігіне 5 таблеткадан көп емес) қолданылады. Қабыну симптомдары азайған соң – 1 таблеткадан әр 4 сағат сайын.
Таблетканы шайнамай, баяу сору керек.
Препаратты қабылдағаннан кейінгі 30 минут ішінде тамақтанбау және ештеңе ішпеу керек.
Емдеуді ауру симптомдары жойылғаннан кейін тағы да 1-2 тәулік бойы жалғастыру ұсынылады.
Лизак® препаратын ауру симптомдары жойылғанша қолдану ұсынылады. Егер симптомдар 5-7 тәулік емдеуден кейін жойылмаса, емдеудің мұнан арғы тактикасын белгілеу үшін дәрігерге жүгіну қажет.
Жағымсыз әсерлері
Мынадай жағымсыз реакциялар болуы мүмкін:
асқазан-ішек жолының тарапынан: жүрек айнуы, ауыздың құрғауы, ауыз қуысы дисбактериозы (үлкен дозада ұзақ қолданғанда);
тері және тері асты шелі тарапынан: аллергиялық реакциялар болуы мүмкін, есекжем, бөртпе, қышынуды қоса;
жергілікті реакциялар, оның ішінде тамақта және ауыз қуысының шырышты қабығында ашытуды және тітіркенуді сезіну.
Сирек жағдайларда, атап айтқанда мөлшерден тыс қолданғанда, ойық жараның және некроздың пайда болуы мүмкін.
Қандай да бір жағымсыз реакциялар пайда болған жағдайда препаратты қолдануды тоқтатып және міндетті түрде әрі қарайғы емге қатысты дәрігерден кеңес алған жөн.
Қолдануға болмайтын жағдайлар
- препараттың әсер ететін затына немесе қосымша заттардың қандай да біріне аса жоғары сезімталдық
- төрттік аммоний байланысына аллергия (мысалы, бензалконий хлоридіне)
- 4 жасқа дейінгі балалар
Дәрілермен өзара әрекеттесуі
Кайексалатпен (гиперкалиемияны емдеуге арналған дәрі) бір мезгілде қолданғанда тері мен шырышты қабықтың, әсіресеасқазан-ішек жолы шырышты қабығында некроздық ауыр зақымданулардың даму ықтималдығы бар.
Деквалиний хлоридінің бактерияға қарсы белсенділігі аниондыдетергенттерді, мысалы, тіс пастасын бір мезгілде қолданған кезде төмендейді.
Препаратты холинэстераза тежегіштерімен бірге қолданбаған жөн.
Лизоцим пенициллин, хлорамфеникол сияқты бактерияға қарсы препараттардың тиімділігін күшейтеді.
Айрықша нұсқаулар
Шоколад дәмі бар соруға арналған бір таблетканың құрамында 0,05 НБ бар екендігін қант диабеті бар науқастардың ескергені жөн.
Инфекцияның жайылуының негізгі клиникалық симптомдары болғандажүйелік бактерияға қарсы ем тағайындау қажет. Қандай да бір жағымсыз әсерлері пайда болған кезде Лизак® қабылдауды дереу тоқтатып, басқа дәрілік зат тағайындау қажет.
Жергілікті емдеуге арналған басқа препараттармен бір мезгілде қолданғанда сақ болу керек.
Педиатрияда қолданылуы
Препарат осы дәрілік түрінде аспирацияның даму қаупіне байланысты 4 жасқа дейінгі балаларға қолданылмайды.
Жүктілік және лактация кезеңінде қолданылуы
Бақыланатын зерттеулер жүргізілген жоқ. Осыған байланысты, егер шаранаға/балаға ықтимал қатерінен емдік әсері асып түскен жағдайда,препаратты жүктілік немесе бала емізу кезеңінде дәрігермен кеңескеннен кейін қолдануға болады.
Препараттың көлік құралын және қауіптілігі зор механизмдерді басқару қабілетіне әсер ету ерекшеліктері
Лизак® жоғары зейін қоюды қажет ететін жұмыстарды орындауға (автокөлік жүргізуге және қозғалатын механизмдермен жұмыс істеуге) әсер етпейді.
Артық дозалануы
Артық дозалануы туралы деректер жоқ.
Шығарылу түрі және қаптамасы
6 немесе 10 таблеткадан мөлдір емес полимер үлбірден (пигменттелген ақ) және тесілген немесе тесілмеген баспалы лакталған алюминий фольгадан жасалған пішінді ұяшықты қаптамаға салынған.
1 пішінді ұяшықты қаптамадан (10 таблетка) немесе 2 пішінді ұяшықты қаптамадан (6 таблетка) медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынған.
Сақтау шарттары
25ºС-ден аспайтын температурада сақтау керек.
Балалардың қолы жетпейтін жерде сақтау керек.
Сақтау мерзімі
2 жыл
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецептісіз
Өндіруші
«Фармак» ЖАҚ, Украина, 04080, Киев қ., Фрунзе к-сі, 74.
Тіркеу куәлігінің ұстаушысы
«Фармак» ЖАҚ, Украина
Қазақстан Республикасы аумағында тұтынушылардан өнім (тауар)сапасына қатысты шағымдарды қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта)
Қазақстан Республикасындағы «Фармак» ЖАҚ өкілдігі
Қазақстан Республикасы, Алматы қ., индексі 050012, Амангелді к-сі, 59 «А», «Шартас» бизнес орталығы, 9-қабат. Тел/факс +7(727) 267 63 73, электрондық пошта: а.aspetova@farmak.kz
