Сипаттама
Дәрілік затты медициналық қолдану жөніндегі нұсқаулық
СПАЗМОЛИЗИН
Саудалық атауы
Спазмолизин
Халықаралық патенттелмеген атауы
Дротаверин
Дәрілік түрі
Ректальді суппозиторийлер
Құрамы
Бір суппозиторийдің құрамында
белсенді зат – 40 мг дротаверин гидрохлориді,
қосымша зат: Суппоцир АМ (қатты май).
Сипаттамасы
Цилиндрконус пішінді, сарғыштау реңді ақтан сары түске дейінгі суппозиторийлер. Қимасында ауалы, кеуекті өзегі мен шұңғыма тәрізді ойығы болуына жол беріледі.
Фармакотерапиялық тобы
Ас қорыту жолы және зат алмасу. Асқазан-ішек функционалдық бұзылыстарын емдеуге арналған препараттар. Ішектің функционалдық бұзылыстарын емдеуге арналған препараттар. Папаверин және оның туындылары. Дротаверин.
АТХ коды A03AD02
Фармакологиялық қасиеттері
Фармакокинетикасы
Дротаверин жылдам сіңіріледі. Ең жоғары концентрациясына 40-50 минуттан кейін жетеді. Плазма ақуыздарымен байланысы – 95-98 %. Тіндерге біркелкі таралады. Дротаверин гематоэнцефалдық бөгет арқылы өтпейді.
Бауырда метаболизденеді. 72 сағаттан кейін ағзадан толығымен дерлік шығарылады. Бүйрекпен 50 %-ға жуығы және нәжіспен 30%-ға жуығы шығарылады.
Фармакодинамикасы
Дротаверин- түйілуді басатын дәрі, изохинолиннің туындысы. Әсер ету механизмі фосфодиэстераза IV белсенділігін бәсеңдетуінен тұрады, бұл жасуша ішінде цАМФ жиналуына және соның салдары ретінде миозин жеңіл тізбегінің киназа белсенділігі жойылуына алып келеді, соның нәтижесінде тегіс бұлшықеттердің босаңсуы жүреді.
Тамырлар мен ішкі ағзалардың (асқазан-ішек жолдарының, өт шығару, урогенитальді жолдар мен жүрек-қантамыр жүйесінің) тегіс бұлшықеттері тонусын төмендетіп, олардың қимыл-қозғалыс белсенділігін төмендеді, қантамырларды сәл кеңітеді (тамыр кеңейтетін әсері), артериялық қысымды төмендетеді. Вегетативтік жүйке жүйесіне жәнеорталық жүйке жүйесіне әсер етпейді.
Қолданылуы
Тегіс бұлшықеттердің түйілуі туындатқан ауыру синдромында:
- бүйрек, бауыр және ішек шаншулары
- өт қабы мен өт шығару жолдарының гипермоторлы дискинезиясы
- пилороспазм
- асқазан және он екі елі ішектің өршу сатысындағы ойық жарасы
- спастикалық колит
- спастикалық іш қатулар
- проктит
- газдардың іркілуі салдарынан операциядан кейінгі шаншулар
- шеткері тамырлар мен ми тамырларының тарылуы
- альгодисменорея
- қауіпті аборт және мерзімінен бұрын босану қаупі
Қолдану тәсілі және дозалары
1-2 суппозиторийден ректальді тәулігіне 2-3 рет. Ең жоғары бір реттік дозасы – 80 мг, ең жоғары тәуліктік дозасы – 240 мг.
Осы жас тобында дәрілік заттың тиімділігі мен қауіпсіздігі туралы деректер болмауына байланысты препаратты балалар мен жасөспірімдерге қолдану ұсынылмайды.
Жағымсыз әсерлері
Бас ауыруы, бас айналуы, жүрек қағуының жиілеуі, ысыну сезімі, қатты тершеңдік, артериялық қысымның төмендеуі, аллергиялық реакциялар (ангионевроздық ісіну, есекжем, бөртпе, қышыну), жүрек айнуы, іштің қатуы, ұйқысыздық.
Қолдануға болмайтын жағдайлар
- препаратқа жоғары сезімталдық
- бауырдың ауыр жеткіліксіздігі
- бүйректің ауыр жеткіліксіздігі
- жүректің ауыр жеткіліксіздігі
- II және III дәрежелі AV блокадасы
- глаукома
- aртериялық гипотензия
- кардиогендік шок
- 18 жасқа дейінгі балалар мен жасөспірімдер
Дәрілермен өзара әрекеттестігі
Холинолитиктерменбірге, сондай-ақ, гипертониялық кризді басу үшін біріктірілген еммен үйлестіріп қолдануға болады.
Леводопаның паркинсон ауруына қарсы тиімділігін нашарлатады.
Үшциклді антидепрессанттармен, хинидинмен, новокаинамидпен, фенобарбиталмен, морфинмен бір мезгілде қолданғанда туындайтын гипотензияны күшейтеді.
Айрықша нұсқаулар
Коронарлық артериялардың айқын атеросклерозы, артериялық гипотензиясы бар науқастарға препаратты сақтықпен тағайындау керек.
Асқазан және он екі елі ішектің ойық жарасын емдегенде препаратты холинолитиктермен үйлесімде қолданады.
Жүктілік және лактация кезеңі
Жүктілік және лактация кезеңінде сақтық танытқан жөн.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Емдік дозада қабылдағанда препарат автомобиль немесе басқа қауіптілігі зор механизмдерді басқару қабілетіне әсер етпейді.
Артық дозалануы
AV блокадасы, жүрек бұлшықеті қозғыштығының төмендеуі, аритмиялар, тыныс алу орталығының бәсеңдеуі мүмкін.
Емі: препаратты тоқтату, симптоматикалық ем.
Шығарылу түрі және қаптамасы
5 суппозиторийден полиэтиленмен ламинацияланған поливинилхлоридті үлбірден жасалған пішінді ұяшықты қаптамада.
2 пішінді ұяшықты қаптамадан қолдану жөніндегі мемлекеттік және орыс тіліндегі нұсқаулықпен бірге картон қорапшаға салады.
Сақтау шарттары
Құрғақ, жарықтан қорғалған жерде, 25 0С-ден аспайтын температурада сақтау керек.
Мұздатып қатыруға болмайды.
Балалардың қолы жетпейтін жерде сақтау керек!
Сақтау мерзімі
3 жыл
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецептісіз
Өндіруші
ФАРМАПРИМ ЖШҚ
Кринилор к-сі, 5, Порумбень а., Криулень ауд.,
Молдова Республикасы, MD-4829
Тіркеу куәлігінің иесі
ФАРМАПРИМ ЖШҚ, Молдова Республикасы
Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері
«FARMAPRIM SRL» («ФАРМАПРИМ СРЛ») фирмасының Қазақстан Республикасындағы өкілдігі,
Алматы қ., Гоголь к-сі, 86, 528-кеңсе,
телефон/факс: + 7(727) 279-65-18
e-mail: farmaprim.kz@farmaprim.md
